Овог нэр: Золгэрэлийн Шинэчагтага

Төрсөн он: 1996.09.04

Төрсөн газар: Сэлэнгэ аймгийн Мандал сум

Одоогийн жин: 65кг

Өндөр: 172см

Гаргасан амжилт: Холимог тулааны спортод есөн тулаанаас зургаад нь ялсан

Харьяаллагддаг клуб: "Ширэн бээлий" клуб, ZorkysMMA багийн тамирчин

Түүний хувьд холимог тулааны спортод өндөр амжилттай яваа тамирчин. Сүүлийн хоёр тулаандаа тэрбээр эхнийхийг нь хүнд цохилтоор ялсан бол сүүлийн тулаанд торгуулиар ялагдсан юм. З.Шинэчагтага хэвлэлийн хурлын үеэр “Тал талаасаа 300 сая төгрөг гаргаад тоглоё гэж хэлсэн. Хоёр талаасаа 600 саяыг босгож байна. Хожсон нь бүх мөнгийг авна. Гол нь дэвжээнийхээ хажууд мөнгөө тавьж байгаад тулалдая. Ялсан нь аваад гарая. Бид хоёр 70 кг дээр тохирсон. Биеийн зөрүү гарахгүй байх. Тулааныг мэргэжлийн боксын шүүгчид шүүнэ. Шударга болно. Тулаан сонирхогчид ч шүүх байх. Намайг холимог тулаанаар дуудаж чадаагүй нь жаахан харамсалтай. Гэхдээ надад эрсдэл алга. Бид хоёулаа л бокс тоглодог. Харин холимог тулаанаар Э.Цэндбаатар надтай нэг үе ч тэсэхгүй” гэв.

Овог нэр: Эрдэнэбатын Цэндбаатар

Төрсөн он: 1996.10.26

Төрсөн газар: Архангай аймгийн Чулуут сум

Одоогийн жин: 67 кг

Өндөр: 163 см

Гаргасан амжилт: Мэргэжлийн бокст дөрвөн удаа ялсан

Харьяаллагддаг клуб: "Сүлд" спорт хороо

Мэргэжлийн бокст хүч үзэж буй тэрбээр сүүлийн тулаанаа Азербайджаны тамирчин Рауф Агаевтай хийж, хоёрдугаар үед өрсөлдөгчөө хүнд цохилтоор ялсан юм. Э.Цэндбаатарын хувьд УАШТ-д хоёрдугаар байр эзэлсэн амжилттай тэрбээр хэвлэлийн хурлын үеэр “Холимог тулаанч З.Шинэчагтагатай тулалдая гэдэг саналыг би тавьсан. Тулаанд дуудах болсон шалтгаан нь ах нарынхаа дэргэд намайг цохиж унагасан. Мэргэжлийн боксоос гараагүй байсан бол надаас илүү амжилттай явж байгаа гэж хэлсэн. Үүнийг няцааж би тулаанд дуудсан. Багаасаа хамт мэргэжлийн боксоор хичээллэж байсан учраас түүнийг би мэднэ. Өмнө нь тулалдаж би ялсан удаатай. Өрсөлдөгч маань дээрэлхүү, их зангаас өөр юу ч байхгүй" гэв.