БРЮССЕЛЬ. /DW/. Европын Холбооны /ЕХ/ орнуудын Гадаад хэргийн сайд нар дэлхийн хүнс, эрчим хүчний аюулгүй байдалд Оросын түрэмгийллээс үүдэн учрах нөлөөний талаар Люксембургт болох Гадаад харилцааны зөвлөлийн уулзалтын үеэр хэлэлцэнэ.
ЕХ-ны Гадаад харилцаа, аюулгүй байдлын бодлогын асуудал эрхэлсэн дээд төлөөлөгч Жозеп Боррелийн ням гарагт мэдээлснээр, ЕХ Египетэд хөдөө аж ахуйн салбар, хүнсний нөөцийг дэмжих үүднээс 100 сая хүртэлх еврогийн дэмжлэг үзүүлэх асуудлыг авч үзнэ.
Даваа гарагт болох уулзалтад Египетийн Гадаад хэргийн сайд Саме Шукри оролцох төлөвтэй байна. Украин, Орос нь буудай, наран цэцгийн тосны гол экспортлогчид бөгөөд дэлхийн хүнсний салбарт дайнаас үүдэн учрах нөлөө Африкийн орнуудад ялангуяа хүндээр тусах магадлалтай байна.
Э.Хулан
Эх сурвалж: "Монцамэ' агентлаг
