Украинтай хил залгадаг НАТО-гийн гишүүн Польш улс батлан хамгаалах хүчээ зузаатгах зорилгоор Өмнөд Солонгосоос танк, их буу, сөнөөгч нисэх онгоц зэрэг зэр зэвсэг, техник хэрэгсэл худалдаж авахаар болсноо өчигдөр зарлажээ.
“Ирэх долоо хоногт бид гэрээгээ байгуулна” гэж тус улсын батлан хамгаалахын сайд Мариуш Блащак твиттер хуудсандаа бичсэн байна.
Гэрээний хүрээнд Польш улс 48 ширхэг FA-50 байлдааны хөнгөн нисэх онгоц, 180 ширхэг K2 “Хар ирвэс” танк, тодорхойгүй тооны K9 их буу худалдаж авахаар болсныг албаны эх сурвалж мэдээлжээ.
Эхний ээлжийн их буу, танкууд 2022 оны сүүлээр Польшид ирэх бол нисэх онгоцнууд ирэх онд нийлүүлэгдэхээр болсон байна.
“Путиний түрэмгий бодлого, Украины дайн Польш улсын хувьд том сорилт болж байна. Польш улсын армийн хүчийг аль болох зузаатгаж, эзлэн түрэмгийлэгчдийг айлгах бол бидний зорилго юм. Манай өмнөөс ч бас тулалдаж буй тул Украиныг бид дэмжиж байгаа. Гэхдээ бас өөрийн хүч чадлыг ч нэмэгдүүлэх ёстой” гэж Блащак хэлжээ.
Энэ сарын эхээр Польш улс Италийн зэвсэг үйлдвэрлэлийн Leonardo компаниас 1.75 тэрбум еврогийн үнэ бүхий 32 ширхэг AW149 байлдааны нисдэг тэрэг худалдаж авсан юм.
Бас АНУ-аас 366 ширхэг Abrams танк, газар-агаар ангиллын пуужингийн систем худалдаж авах гэрээ байгуулжээ.
Эх сурвалж: AFP
