Латви улсад үйл ажиллагаа явуулдаг Оросын Meduza хараат бус мэдээллийн сайт өчигдөр Кремлиэс зохион байгуулсан олон нийтийн нууц судалгааны үр дүнг нийтэд дэлгэжээ.
ОХУ-ын Холбооны Аюулгүй Байдлын Албанаас явуулсан энэ судалгаанд оролцсон иргэдийн 55 хувь нь Украинтай энхийн яриа хэлэлцээ эхлүүлэх хүсэлтэйгээ илэрхийлсэн байна.
Энэ оны долдугаар сард ийм бодолтой иргэдийн хувь хэмжээ 32 байсныг Meduza мэдээлжээ.
Мөн Оросын Украинд явуулж буй дайныг дэмжигчдийн эзлэх хувь долдугаар сард 57 байснаа арван нэгдүгээр сард 25 болж буурсан байна.
Дээрх судалгааны үр дүн Кремлийн “зөвхөн дотоод хэрэгцээнд” зориулагдсан, нууц материалд тооцогдож байжээ.
Арав дахь сардаа үргэлжилж буй Украины дайны улмаас Орос улс хүн хүч, зэр зэвсгийн багагүй хохирол амсаж, өрнөдийн орнуудын хориг арга хэмжээний улмаас эдийн засаг нь сулраад байгаа.
Энэ оны хоёрдугаар сарын 24-нөөс хойш Оросын зэвсэгт хүчний эзэлсэн газар нутгийн 55 орчим хувийг Украины тал чөлөөлөөд байгааг New York Times сонин саяхан тооцоолсон байна.
Эх сурвалж: Business Insider