fbpx Өрнөдийн тогтоосон үнээр авах улс орнуудад ОХУ газрын тосоо экспортлохгүй гэв
 
Энэ мэдээ хуучирсан буюу 2022/12/05-нд нийтлэгдсэн мэдээ болно.
Ангилал
Дэлхий дахинд Шуурхай онцлов
Огноо
Унших
2 минут 54 секунд

Өрнөдийн тогтоосон үнээр авах улс орнуудад ОХУ газрын тосоо экспортлохгүй гэв

Баасан гарагт Европын Холбоо, Их Долоогийн бүлэг, Австрали улс Оросын түүхий газрын тосны үнэд $60-ын дээд хязгаар тогтоох шийдвэр гаргасан нь энэ долоо хоногоос хэрэгжиж эхлэх гэж байна.

Польш улс уг хязгаарыг $30-аар тогтоох саналаа татаж авснаар Европын Холбооны орнууд нэгдсэн шийдвэрт хүрсэн юм. Дараа нь Их Долоогийн бүлэг, Австралийн засгийн газар $60-ын дээд хязгаарыг баталсан байна.

Үүний үр дүнд Оросын газрын тос дэлхийн зах зээлд хямд үнээр нийлүүлэгдэхийн хажуугаар Кремлийн эрх баригчдын Украины дайныг санхүүжүүлэх чадавх суларна гэж Өрнөдийнхөн үзэж байгаа.

Энэхүү хязгаараас дээш үнээр Оросоос газрын тос худалдаж авахад оролцсон бүх компаниуд, тухайлбал тээвэрлэгчид, даатгагчид Өрнөдийн орнуудын эдийн засгийн хоригоор шийтгүүлэх юм.

Ням гарагт ОХУ-ын засгийн газрын шадар сайд Александр Новак хийсэн мэдэгдэлдээ Өрнөдийн тогтоосон үнээр газрын тос экспортлохгүйгээ мэдэгджээ.

“Бид зах зээлийн тогтвортой байдлыг хангах үүднээс ямар ч хэмжээ тогтоосноос үл хамааран үнийн дээд хязгаарын эсрэг үйлчлэх механизмыг бий болгохоор ажиллаж байна. Бид зөвхөн зах зээлийн үнээр наймаалцах улс орнуудад газрын тос, газрын тосны бүтээгдэхүүнээ нийлүүлнэ. Манай үйлдвэрлэлийн гарц буурсан ч хамаагүй” гэж Новак ярьсан байна.

Тэрбээр Өрнөдийн орнуудын тогтоосон үнийн дээд хязгаар зах зээлийг хямрааж, Оросоос бусад улс орнуудад ч сөргөөр нөлөөлөх эрсдэлтэйг анхааруулжээ.

Газрын тосны үнийн дээд хязгаар Оросын экспортод нөлөөлж чадах эсэх нь одоогоор тодорхойгүй байна.

Тухайлбал “Urals blend” төрлийн газрын тос баррель нь $61.3-оор арилжаалагдаж байгаа нь тогтоосон дээд хязгаараас $1.3-оор л өндөр байгаа юм.

Баасан гарагт Brent crude фючерсийн баррелийн ханш $85.57 үнэтэй арилжаа хаагджээ.

Дэлхийн хоёрдугаар дайн дууссанаас хойш олон жилийн дараа Зөвлөлтийн геологичид Сибириэс их хэмжээний газрын тос, байгалийн хийн орд нээж байв. Тэр үеэс хойш Европын зах зээл Оросын гадаад валютын гол эх үүсвэрүүдийн нэг болсон юм.

Есдүгээр сард ОХУ-ын ерөнхийлөгч Владимир Путин хэлэхдээ Өрнөдийн орнууд үнийн дээд хязгаар тогтоовол нийлүүлэлтээ зогсооно хэмээн сүрдүүлж байв.

Тэрбээр ингэхдээ Орос ардын үлгэрт дүрслэгддэг сүүлээ хөлдөөсөн чоноор Европыг төлөөлүүлэн ярьж байжээ.

Эх сурвалж: Reuters

Зэсийн үнэ тонн нь 8275 доллар болов
Зэсийн үнэ тонн нь 8275 доллар болов
 
Эмэгтэйчүүд квоттой болчихвол эрчүүд хожно
Эмэгтэйчүүд квоттой болчихвол эрчүүд хожно
Энэ мэдээ хуучирсан буюу 2022/12/05-нд нийтлэгдсэн мэдээ болно.

Шинэ мэдээ

 
 
 
Х.Нямбаатар: Ерөнхийлөгчийн хоригийг хүлээж авахгүй гэж кноп дарна
Олон нийтийн сүлжээнд хүний эрхийг хамгаалах тухай хуульд Ерөнхийлөгч бүхэлд нь хориг тавьсан. Энэ асуудлаар Хууль зүй, дотоод хэргийн сайд Х.Нямбаатар байр сууриа илэрхийлэв. Тэрбээр