Хурандаа цол олгож эхэлсний 87 жилийн ой өнөөдөр тохиож байна.
1936 оноос хойш 87 жилийн хугацаанд Зэвсэгт хүчин, Онцгой, Цагдаа, Хил хамгаалах, Шүүх, Тагнуулын байгууллагаас 3,200 гаруй хурандаа цолтон төрсний 60 гаруй нь эмэгтэй бол Батлан хамгаалах яам хамгийн олон хурандаатай.
Хурандаа цолыг анх Улсын Бага хурлын тэргүүлэгчид, Сайд нарын зөвлөлийн хамтарсан тогтоолоор 1936 оны гуравдугаар сарын 2-нд олгож эхэлсэн түүхтэй.
Анх Зэвсэгт хүчин, Хил хамгаалах байгууллагын цэргийн алба хаагчдад тус цолыг олгосон бол 1950 онд Цагдаагийн байгууллагаас, 1964 онд Шүүхийн шийдвэр гүйцэтгэх байгууллагаас, 1971 онд Онцгой байдлын байгууллагаас /тухайн үеийн Иргэний хамгаалалтын байгууллага/ хурандаа цолтон төрөн гарчээ.
1971 оноос хойш 2004 он хүртэл Онцгой байдлын байгууллагын тулгын гурван чулуу болох Улсын иргэний хамгаалалтын газраас 32, Гал түймэртэй тэмцэх газраас 28 буюу нийт 60 хүнд хурандаа цол олгожээ. Харин 2004 оноос хойш 280 гаруй хурандаа цолтон төрсний зургаа нь эмэгтэй хурандаа байна.
2016 онд Батлан хамгаалахын сайдын тушаалаар жил бүрийн гуравдугаар сарын 2-ныг “Хурандаа нарын өдөр” болгон тэмдэглэх шийдвэрийг гаргажээ.
Эх сурвалж: ОБЕГ
