Өнгөрсөн гуравдугаар сарын 18 буюу Монгол цэргийн өдөр Цагдаагийн байгууллагын 102 тусгай дугаарт ирсэн дуудлага, гомдол мэдээллийн талаар ЦЕГ-ын Хэвлэл мэдээллийн төвийн дарга Г.Мөнхбаяраас тодруулав.
Тэрбээр "Тус өдөр 152 иргэн архи, согтууруулах ундаа хэтрүүлэн хэрэглэсэн, зөрчилд холбогдон эрүүлжүүлэгдсэн бөгөөд нэг нь эмэгтэй, 151 эрэгтэй юм. Үүнээс нийслэлд 127 эрэгтэй, нэг эмэгтэй хүн, орон нутагт 25 эрэгтэй хүн эрүүлжүүлэгдсэн байна" хэмээв.
Мөн гуравдугаар сарын 19-ний өдөр Цагдаагийн байгууллагын 102 тусгай дугаарт ирсэн дуудлага, гомдол мэдээллийг Цагдаагийн ерөнхий газрын хэвлэл мэдээллийн төвөөс танилцуулав.
Тус өдөр нийт 1,960 дуудлага, гомдол мэдээлэл бүртгэгдсэн бөгөөд дэлгэрүүлбэл:
- Зөрчил 1,674,
- Гэмт хэргийн шинжтэй 95,
- Согтуугаар тээврийн хэрэгсэл жолоодсон 119,
- Хүүхэд гэр бүлийн хүчирхийлэл 115,
- Хүний биед халдах 87,
- Эрүүлжүүлсэн 146,
- Хулгайлах 22 дуудлага, гомдол мэдээлэл цагдаагийн 102 тусгай дугаарт иржээ.
