Дөрөвдүгээр сард болох спортын онцлох үйл явдлуудыг танилцуулъя.

FORMULA 1

Дөрөвдүгээр сарын 28-30. Азербайжаны Гран-При. Formula 1-ийн 73-р улирлын 4 дэх гараа буюу Азербайжаны Гран-При тэмцээн "Baku City Circuit" зам дээр болно.

ЧӨЛӨӨТ БӨХ

Дөрөвдүгээр сарын 09-14. ААШТ. Чөлөөт бөхийн насанд хүрэгчдийн Азийн аварга шалгаруулах тэмцээн Казахстаны Астана хотод болно.

CSGO

Дөрөвдүгээр сарын 06-09. BLAST.tv Paris Major 2023: Asia-Pacific RMR. Blast-ын Парис Мажор тэмцээнд оролцох хоёр эрхийн төлөөх LAN тэмцээн Монгол улсад анх удаа болно. Хятад, Ойрх Дорнод, Номхон далай болон төв азийн шилдэг найман баг тэр дундаа монголын хоёр баг Мөсөн өргөөд өрсөлдөнө.

Дөрөвдүгээр сарын 17-23. Intel Extreme Masters Rio 2023. Рио Мастерс тэмцээнд Монголын IHC Esports баг дэлхийн шилдэг 16 багийн нэгээр оролцоно.

Дөрөвдүгээр сарын 28-30. ESL Challenger at DreamHack Melbourne 2023. ESL Мэргэжлийн лигийн 18 дахь улиралд тоглох эрх олгох тэмцээн Австралийн Мельбурн хотод болно. Монголын IHC Esports баг шилдэг найман багийн нэгээр өрсөлдөнө.

Дөрөвдүгээр сарын 04-тавдугаар сарын 28. ESL Challenger League Season 45: Asia-Pacific. ESL Мэргэжлийн лигийн 18 дахь улиралд тоглох эрх олгох Ази-Номхон далайн лигийн тэмцээн онлайнаар болно. Тэмцээнд IHC Esports, Clutch Gaming, Eruption, Team NKT, Team Renewal, Kintsugi гэсэн монголын зургаан баг өрсөлдөнө.

ЖҮДО

Дөрөвдүгээр сарын 7-9. ААШТ. Жүдо бөхийн өсвөрийн болон залуучуудын азийн аварга шалгаруулах тэмцээн Казахстаны Алматы хотод болно.

DOTA2

Дөрөвдүгээр сарын 04-26. DPC 2023 Tour 2. Division 2. Dota 2-ын дэлхийн хамгийн том лиг DPC-ын хоёрдугаар зиндааны тоглолтууд энэ сард болно. Нийт зургаан бүсийн 48 баг лигт өрсөлдөх бөгөөд бүс бүрээс хамгийн өндөр оноотой хоёр баг дээд зиндаа руу дэвшинэ. Тус лигийн Зүүн Өмнөд Азийн бүсэд Монголын QWE болон Team Tough гэсэн хоёр баг өрсөлдөнө.

Дөрөвдүгээр сарын 09-23. DreamLeague Season 19. ESL-ээс зохиодог мөрөөдлийн лигийн 19 дэх улиралд дэлхийн шилдэг 16 баг өрсөлдөнө. Тэмцээний ялагч нь 300 мянган ам.доллар болон Рияд Мастерс тэмцээнд оролцох эрхтэй болно.

Дөрөвдүгээр сарын 26-тавдугаар сарын 07. ESL One Berlin Major 2023. Оны хоёр дахь мажор Герман нийслэлд болно. DPC лигийн дээд зиндааны хамгийн өндөр оноо авсан 18 баг өрсөлдөх тэмцээний ялагч 200 мянган ам.доллар авна.

САГСАН БӨМБӨГ

Дөрөвдүгээр сар. Үндэсний Дээд лиг. Монголын Үндэсний Дээд лигийн плей-оффын тоглолтууд үргэлжилнэ.

Дөрөвдүгээр сарын 29-30. Utsunomiya 2023. 3х3 сагсан бөмбөгийн дэлхийн цуврал тэмцээн эхэлнэ.

Дөрөвдүгээр сарын 11. NBA Play-Off. NBA-ын 2022-2023 оны плей-оффын тоглолтууд эхэлнэ.

PUBG MOBILE

Гуравдугаар сарын 16-дөрөвдүгээр сарын 16. PUBG Mobile Pro League - South Asia Spring 2023. Өмнөд Азийн мэргэжлийн лигийн тоглолтууд үргэлжилж байна. Монгол, Балба, Бангладешийн 20 баг оролцож буй тэмцээний шилдэг 12 баг нь Өмнөд Азийн аварга шалгаруулах тэмцээнд оролцох эрхтэй болно.

Дөрөвдүгээр сарын 27-тавдугаар сарын 07. PUBG Mobile Pro League - South Asia Championship Spring 2023. Пакистаны лигийн 8 болон Өмнөд Азийн лигийн 12 баг нийт 20 баг Өмнөд Азийн аваргын төлөө тоглоно. Ялагчид дэлхийн аваргын эрх авна.

БОКС

Дөрөвдүгээр сарын 30-тавдугаар сарын 14. ДАШТ. Боксын эрэгтэйчүүдийн дэлхийн аварга шалгаруулах тэмцээн Узбекистаны нийслэл Ташкент хотод эхэлнэ.

ГОЛЬФ

Дөрөвдүгээр сарын 6-9. 2023 Masters Tournament. Гольфын дөрвөн их дуулгын эхнийх нь АНУ-д эхэлнэ.

ШАТАР

Дөрөвдүгээр сарын 7-тавдугаар сарын 1. ДАШТ. Шатрын 2023 оны дэлхийн аварга шалгаруулах тэмцээн Казахстаны Астана хотод болно. Энэ удаагийн тэмцээн Магнус Карлсен оролцохгүй бөгөөд Оросын Ян Непомниахчи болон Хятадын Дин Лирен нарын ялсан нь шинэ дэлхийн аварга болно.

SNOOKER

Дөрөвдүгээр сарын 15-тавдугаар сарын 1. ДАШТ. Snooker биллиардын дэлхийн аварга шалгаруулах тэмцээн Англид болно. Өнгөрсөн жилийн дэлхийн аварга Английн Ронни О'Салливан аваргаа хамгаална.

МАРАФОН

Дөрөвдүгээр сарын 17. Бостон Марафон. Марафон гүйлтийн дэлхийн хамгийн том зургаан тэмцээний нэг оны хоёр дахь том тэмцээн Бостоны марафон болно.

Дөрөвдүгээр сарын 23. Лондон Марафон. Марафон гүйлтийн дэлхийн хамгийн том зургаан тэмцээний нэг оны гурав дахь том тэмцээн Лондоны марафон болно.