Энэтхэгийн үндэсний агаарын тээвэрлэгч Air India компанийн Дели хотоос АНУ-ын Сан-Франциско хотын чиглэлд ниссэн онгоц техникийн доголдлын улмаас Мягмар гарагт ОХУ-ын Магадан хотод газардсан юм.
Магадан бол Охотскийн тэнгисийн эрэгт оршдог алс дорнодын жижиг хот.
Ослын буулт хийсэн Boeing 777 нисэх онгоцонд 216 зорчигч, бүхээгийн 16 ажилтан явж байжээ.
Зорчигчид Магадан хотын нэгэн сургуулийн спортын зааланд хүнд хэцүү нөхцөлд хоёр хоносон тухай гэрчүүд мэдээлсэн байна. Тэднийг дэвсэх гудас, нөмрөх хөнжлөөр хангаж, цай, талх, будаанаас өөр хоол өгөөгүй гэнэ.
Passengers contesting AI’s claims of passengers being put up in hotels
— Ridhima Bhatnagar (@ridhimb) June 6, 2023
This is what they are saying ‘Although they say it is local hotels, but it actually is just mattresses in the basketball court of a local school.’
Video attached https://t.co/9eNnJjLTKs pic.twitter.com/ol0WvI0Fj4
Пүрэв гарагийн өглөө Air India компанийн өөр нэг нисэх онгоц саатсан зорчигчдыг Магаданаас суулгаж, аяллыг цааш үргэлжлүүлжээ.
Air India компани өчигдөр зорчигчдоосоо уучлал гуйж, тасалбарын төлбөрийг нь бүрэн буцааж олгох, нэмэлт аяллын ваучер өгөх болсноо мэдэгдсэн байна.
“Жижиг хот Магаданы нөхцөл байдлаас шалтгаалан бид хэвийн үед үзүүлдэг стандарт үйлчилгээгээ үзүүлэх боломжгүй байлаа. Байдлыг ойлгож, хүлээц тэвчээртэй хандсан та бүхэнд бид гүнээ талархаж байна” гэж уг мэдэгдэлд өгүүлжээ.
Эх сурвалж: Business Insider
