Украины талаас Белгород мужид халдан довтолсон зэвсэгт бүлэглэлүүдийг дарахад Хятадын армийн цэргийн хүч хэрэгтэй байгаа тухай Кремлийн алдартай суртал нэвтрүүлэгчдийн нэг гэгддэг Ольга Скабеева өнгөрсөн долоо хоногт телевизээр ярьжээ.
Хятад улс нь Украины дайны улмаас олон улсын дарамт шахалтад орсон Москвагийн эрх баригчдын гол түнш болоод байгаа.
Гэхдээ ОХУ-д зэр зэвсгийн тусламж үзүүлэхээс зайлсхийж, зөвхөн эрчим хүчний гол худалдан авагч нь болоод байна.
Тиймээс Скабеевагийн хүсэл биелэх нь эргэлзээтэй юм.
Тэрбээр өнгөрсөн долоо хоногт Россия-1 сувгаар цацагдсан “60 минут” ярилцлагынхаа үеэр “Хятадын хоёроос гурван сая цэрэг яг одоо хэрэгтэй байна. Белгород мужийг хараад Хятадын ардын чөлөөлөх арми бидэнд ямар их хэрэгтэй байгааг би мэдэрсэн” гэж ярьжээ.
"Don't dismiss two or three million Chinese soldiers. That's what is needed now. I look at Belgorod region and think how much we lack a Chinese people's liberation army." - propagandist Skabeyeva. pic.twitter.com/8ceMSkxmi1
— Anton Gerashchenko (@Gerashchenko_en) June 11, 2023
Украины дайны турш Скабеева хэт радикал санаанууд гаргаж, олны анхаарлыг татаж байсан.
Тухайлбал тэр өнгөрсөн оны есдүгээр сард Өрнөдийн удирдагчид бөөнөөрөө цугларсан Их Британийн хатан хаан Элизабетын оршуулгын ёслол болж буй газарт цөмийн цохилт өгөхийг Кремлийн эрх баригчдад уриалж байв.
Эх сурвалж: Newsweek
