Өнөөдөр зуны туйл буюу хамгийн урт өдөр, богино шөнө тохиож байна. Энэ өдөр нар хамгийн өндөрт мандаж, маргаашаас эхлээд хөөрөх цэг нь доошилдог аж. Монголчууд энэ өдрийг нар буцна гэж ярьдаг. Энэ бүсэд арванхоёрдугаар сарын 21, 22-ны өдөр нар экватор руу хамгийн их ойртсоноос богино өдөр тохиодог бол зургаадугаар сарын энэ өдөр урт өдөр нь болдог.
Шинжлэх ухааны ойлголтоор зургаадугаар сарын 22-ны өдөр дэлхий нарнаас хамгийн хол, 152 сая км зайд хүрдэг бөгөөд дэлхийн тэнхлэгийн хойд үзүүр нар луу хазайж, үд дундын нар Мэлхийн зам дээр эгц тусдаг байна. Тиймээс дэлхийн бөмбөрцгийн хойд хагасын бүх өргөрөгт нар хамгийн өндөрт мандаж, урт өдөр, богино шөнө болдог. Энэ өдөр хойд туйлын цагариг дээр нар жаргахгүй, бүтэн хоногийн туршид мандана. Иймд зургаадугаар сарын 22-ны энэ өдрийг зуны туйлын өдөр гэж нэрлэдэг.
Харин экватороос урагших бүсийн орнуудад эсрэгээрээ арванхоёрдугаар сарын 21, 22-нд хамгийн урт өдөр болж, зургаадугаар сарын энэ өдрүүдэд хамгийн богино өдөр болж байна.
