Мэдээлэл технологийн ажил үйлчилгээг хувийн хэвшил, ТББ-уудаар гүйцэтгүүлэх талаар авах арга хэмжээний тухай тогтоолын төслийг өнөөдөр Засгийн газраас баталсан байна.
Үүнтэй холбоотой мэдээллийг Цахим хөгжил, харилцаа холбооны сайд Н.Учрал өгөх үедээ "Цахим аймаг, цахим хот байгуулна гэдэг нэртэй хөтөлбөр улсын төсөвт батлагдсан тохиолдол их байсан.
Тэгээд “Цахим аймаг” хөтөлбөр юу хийсэн бэ гээд ороод үзэхээр 30 компьютер худалдаж авсан гээд сууж байдаг. Үүнд хэн ч санал зөвлөмж гаргадаггүй бөгөөд үр дүнгүй зардал гаргаснаас болоод өнөөдөр төрийн системүүд хоорондоо холбогдохгүй байгаа юм.
Тэгэхээр дээрх тогтоолын төслийн хүрээнд төр зөвхөн ажлын даалгавраа гаргаад, системтэй холбоотой санал дүгнэлт авдаг болох юм.
Түүнчлэн цахим хөгжлийг дэмжих дөрвөн хууль баталсан. Хуулийн хүрээнд 68 тогтоол шийдвэр гарах ёстой. Тогтоол шийдвэр журмууд 80 хувьд хүрсэн. Өөрөөр хэлбэл шаардлагатай Засгийн газрын тогтоолууд эхнээсээ батлагдсан. Өнөөдөр Засгийн газраас гаргасан уг тогтоол нь хууль давсан шийдвэр биш. Хуулийн хүрээнд гарч байгаа" гэлээ.