Харилцаа холбооны салбарын хөгжил цэцэглэлт төрийн бодлогыг Харилцаа холбооны зохицуулах хорооны дарга ноён Г.Чинзориг цөөнгүй хугацаанд энэ салбарыг толгойлж ирлээ.
Энэ салбарт шинэ тоглогч ONDO компани шинээр орж ирэн тав дахь офератор компани болж энэ салбар либералчлагдаж өрсөлдөөн өрнөж байгаа нь монголчуудад нэн тааламжтай нь гарцаагүй юм. Учир нь өрсөлдөөнөөс үнэ буух бүтээгдэхүүн үйлчилгээ чанаржих гээд олон талын хэрэглэгчдэд давуу байдал үүсэх юм.
Гэтэл яагаад энэ салбарынхан хоорондоо маргаж шинэ офератор ONDO ХХК-ийг оруулахгүй маргаан үүсэв үүний учиг юунд байгааг бид судлаж үзэв.
Мобиком, Юнител, Скайтел гэх мэт компаниуд ONDO-ийн эсрэг шүүхэд маргах болсон үндэслэл нь Харилцаа холбооны салбарт гадаадын хөрөнгө оруулагч нар хөрөнгө оруулалт хийж багагүй хугацаанд энэ салбарт тоглож байгаагийн хувьд тэд энэ салбарын тоглоомын дүрэм тодорхой төрийн бодлого шийдвэр нь гарчихсан зах зээлд шударга өрсөлдөх ёстой гэж үзэж байгаа юм байна. Мөн энэ салбарт шинээр офератор компани нь орж ирж байгаа бол хууль дүрэм журмын дагуу орж ирэх ёстой гэтэл хаалгаар бус тооноор орж ирээд байгаад нь гол учир байгаа юм байна. Өөрөөр хэлбэл Харилцаа холбооны зохицуулах хорооны дарга ноён Г.Чинзориг нь хууль дүрэм журамд нийцүүлэн сонгон шалгаруулалтын журмаар тусгай зөвшөөрөл олгох ёстой байтал шууд олгосон, тусгай зөвшөөрөл олгохдоо хуульд байхгүй зөвшөөрөл гаргаж өөрийн эрх мэдэл чиг үүргээ хэтрүүлсэн гэж маргажээ.
Мэдээлэл харилцаа холбооны салбарт шинээр орж ирсэн ONDO компанийг зах зээлээс шахах шинээр тусгай зөвшөөрөл авахыг нь зөвшөөрөхгүй байгаа зүйл Мобиком, Юнител, Скайтел гэх мэт компаниуд байхгүй. Гагцхүү хууль журмаараа энэ салбарт орж ирж өрсөлдөөч гэдэг шаардлагыг хүсч, хууль тогтоомжийг хэрэгжүүлж, шударга өрсөлдөх ёстой гэж шаардсаар 2 жилийн хугацааг үзэж байгаа юм байна.
Үүнээс үүдэж Харилцаа холбооны зохицуулах хорооны энэ мэт хууль бус ажиллагаанаас хөрөнгө оруулагч нар дүрвэх цаашлаад эхнээсээ буюу Мобикомийн хөрөнгө оруулагч нар хувьцаагаа худалдах асуудал хүртэл олны дунд яригдаж эхэлсэн нь нууц биш. ONDO ХХК-ийг хүчээр төрийн дэмжлэгээр энэ салбарт орон зай эзлүүлэхээр Засгийн газрын түвшинд хүртэл дэмжиж шахаж шаардаж байгаа нь хөрөнгө оруулагч Юнител ХХК, Мобиком корпораци ХХК-иудын хувьд тийм ч таатай хандахгүй байгаа нь лавтай байгаа бололтой. Мөн Харилцаа холбооны салбарыг удирдаж байгаа төрийн эрх бүхий албан тушаалтны шийдвэр бодлого хэрэгжилт хангалтгүй, энэ салбарыг сайн удирдаж чадаагүйгээс эдгээр офератор компаниудын хооронд маргаан удаан хугацаанд үргэлжилж байгаа нь шүүхийн шийдвэрүүдээс тодорхой харагдаж байна.
Тухайлбал: 50, 55 дугаарлалтыг хууль зөрчиж шинээр гаргаж нэг офераторт олгож өөрт олгоогүй эрх мэдлийг хэтрүүлэн эдэлсэн маргааныг шүүх эцэслэн шийдвэрлэж, улмаар Харилцаа холбооны зохицуулах хорооны буруу гэж шийдвэрлэсэн бол дахин 60, 66 дугаарлалт дээр мөн маргаан өрнөж офератор компаниуд маргаж байгаа бол сүлжээний радио давтамж, харилцан холболтын маргаан өрнөж цаашлаад шуудайнд хийсэн үхэрийн эвэр шиг энэ салбарт уналт эхэлсэн нь нэгэнт тодорхой боллоо.
Үүнээс дүгнэхэд офератор компаниудын хоорондын маргаан түүний гол зангилаа нь өөрөө энэ салбарын зохицуулалтын байгууллага болж байгаа юм. Нийгэм олон нийтэд харагдаж байгаа өнцөг нь хэдэн офератор компаниудын маргаан үүсгэж бие биенээ зах зээлээс шахаж байгаа мэт ойлголт төрүүлж байгаа боловч хачир дээрээ эдгээр компаниудын хоорондын асуудал биш Харилцаа холбооны зохицуулах хорооны хуудуутай шийдвэрүүд түүнийгээ шүүхээр зөвтгүүлэх гэж байгаа нь гол асуудал болж байна
Засгийн газрын шийдвэр бодлого нь хөрөнгө оруулагч нарыг хамгаална гэдэг боловч яг бодит амьдрал дээр хэрэгжихгүйгээс энэ салбарын хөрөнгө оруулагч нар гархад хүрээд байгаа бололтой.
Эцэст нь ONDO компани энэ салбарт орж ирэх нь чухал. Гэвч хууль журмаараа орж ирэх шаардлага, шударга ёсыг тасралтгүй нэхэж шүүхэд мэдүүлж шударга өрсөлдөөнийг хүсээд байгаа нь тодорхой харагдах болов.
