Энэ сард бүх нийтээр амрах баярын өдөр 29-нд тохионо. Тодруулбал монголчууд тусгаар тогтнолоо сэргээн мандуулсны 112 жилийн ойн өдөр.

Арванхоёрдугаар сарын 29-ний бүх нийтийн баярын амралтын өдөр Баасан гарагт таарч байгаа тул 2024 оны нэгдүгээр сарын 2-ны Мягмар гараг хүртэл үргэлжилнэ. Учир нь шинэ жилийн баярын амралтын өдөр Даваа гарагт тохиох тул монголчууд Бямба, Ням гарагийн амралтын өдөртэйгөө нийлээд энэ сарын сүүлчээс шинэ он гартал дөрөв хоног амрах нь.

Эдгээр баярын амралтын өдрүүдтэй зэрэгцэн сурагчдын амралтыг эхлүүлэх тухай мэдээлэл ч байна. Гэхдээ эцсийн шийдвэр гараагүй.

Улсын хэмжээнд бага, дунд ангийн сурагчдын хоёрдугаар улирлын амралт 2024 оны нэгдүгээр сарын 8-наас, ахлах ангийнхных нэгдүгээр сарын 15-наас эхлэх хуваарьтай байгаа юм.