Дэлхийн хамгийн том түргэн хоолны сүлжээ McDonald’s үйл ажиллагаагаа урьд өмнө байгаагүй хурдтайгаар тэлэх төлөвлөгөөг өчигдөр зарлажээ.
Уг төлөвлөгөөгөөр бол 2027 он гэхэд тус компани дэлхий даяар 50,000 салбартай болох юм байна.
2022 оны сүүлээр McDonald’s-ийн салбаруудын тоо 40,275 байжээ. Эндээс дүгнэвэл ойрын жилүүдэд салбарын тоогоо 25 орчим хувиар өсгөхөөр болжээ.
20 дугаар зууны дундуур АНУ-ын зах зээлийг байлдан дагуулсан McDonald’s нь одоо дэлхий даяар хамгийн олон салбартай түргэн хоолны сүлжээнд тооцогддог.
Энэ үзүүлэлтээрээ Starbucks, Subway хоёр компаниас ялимгүй давамгайлдаг байна.
Тус компани үйл ажиллагаагаа өргөжүүлэхэд 2024 онд $2.5 тэрбумыг, дараа нь 2027 оныг хүртэл жил бүр $300-$500 саяыг нэмж зарцуулахаар төлөвлөжээ.
McDonald’s 18 жилийн дотор 30,000 салбараа 40,000 болгож байсан нь үүнээс өмнөх хамгийн хурдтай тэлэлт байсан гэнэ.
“Ирэх дөрвөн жил болон түүнээс цааш хугацаанд бид таны McDonald’s-ийн хөгжлийн боломжид итгэх итгэлийг сэргээж чадна гэж найдаж байна” гэж тус компанийн үйлчилгээ хариуцсан дэд ерөнхийлөгч Мэню Стейяарт төлөвлөгөөг танилцуулах үеэрээ мэдэгджээ.
McDonald’s компани 2024 онд борлуулалтын орлогоо 2 орчим хувиар өсгөхөөр төлөвлөсөн байна.
Эх сурвалж: AFP
