Дорноговь аймгийн Замын-Үүдийн гаалиар том тэрэгний дугуй бүрт бүтэн чононууд нууж хилээр гаргаад Хятадын хил дээр баригдсан гэх бичлэг цахим сүлжээнд цацагдсан билээ. Монголын хил гааль илрүүлж чадахгүй нууж гаргасныг Хятадын тал рентгэн зургаар илрүүлж илчилсэн байна. Ийм байхад Монголын хилээр их хэмжээний нүүрс нууж хааж бүртгэлгүй гаргах нь аргагүй шүү дээ, Замын-Үүдийн гааль мэдэхгүй гаргасан байна гэх шүүмжлэл яваад байгаа юм.
Тэгвэл энэ талаар Гаалийн ерөнхий газрын эх сурвалжаас тодруулахад "Манай улс Хятад, Оросын гаальтай хамтарч ажилладаг. зөрчил илрүүлбэл мэдээллээ солилцдог. Шалгагдаж байгаа гэдгээс өөр мэдээлэл надад ирээгүй байна" гэлээ.
