Цагаан сараас өмнө иргэдэд 450-500 мянган төгрөгийг тарааж магадгүй гэсэн шум мэдээлэл гараад байна. Сангийн сайд болоод МАН-ын бүлгийн дарга нь ногдол ашиг тарааж магадгүй гэсэн мэдээллийг ч өгсөн байна.
Тодруулбал, намын Бүлгийн дарга Д.Тогтохсүрэн "Ногдол ашигтай холбоотой асуудлыг Эдийн засгийн байнгын хороогоор хэлэлцэж байна. 2013 оны хоёрдугаар сараас хойш төрсөн хүүхдүүдэд ногдол ашиг өгье гэж байгаа. Одоо 2,4 сая орчим хүнд ногдол ашиг өгч байгаа. Хэрэв энэ тогтоол батлагдвал нийт 3,5 сая иргэнд ногдол ашиг өгнө гэсэн үг.
УИХ-аар энэ асуудлыг хэлэлцэх болов уу. Гэхдээ Засгийн газар эхлээд Баялагийн сангийн тухай хуулиа батлах ёстой. Болж өгвөл ногдол ашгийг Цагаан сараас өмнө олгоё гэсэн чиглэлтэй байгаа. Энэ чиглэлээр тогтоол ажиллаж байна. Цаашдаа тогтоолоор явахгүй хуультай байх ёстой. Тэгэхээр Байгалийн баялагийн сангийн тухай хуулиа батлах ёстой" гэлээ.
