УИХ-ын чуулганы үеэр Эрдэнэс Тавантолгой ХК-ийн өрийн асуудлыг хөндлөө.
“Эрдэнэс Монгол” ХХК-ийн гүйцэтгэх захирал С.Наранцогт: 2010 оны 39 -өөр хувьцааны хэлбэрийг зааж өгөөгүй. Хязгаарлагдмал эрхтэй хувьцаа гаргасан. Харин одоо гарах УИХ-ын тогтоол дээр 2012 оны 4 дүгээр сарын 1-нээс хойш төрсөн иргэд дээр шууд энгийн хувьцааг нь олгож байгаа. Өөрөөр хэлбэл, сонгодог жинхэнэ хувьцаа гэсэн үг. Мөн өмнө нь олгосон хувьцааг энгийн хувьцаанд бүртгэх заалт орж ирж байгаа. Энэ тогтоол батлагдсанаар хувьцаа амьд хувьцаа болох боломж бүрдэж байна. Хоёрдугаарт, энэ компанийн санхүүгийн үзүүлэлт сайжирч, өр ширний асуудлаас гарч, хөрөнгийн зах зээл дээр гарах боломж бүрдэнэ. Өр ширийг бууруулаад явж байна.Жилдээ 1 их наяд төгрөгийг богино болоод урт хугацааны өр нийт дүнгээр барагдаад явж байна. Одоогоор 4 их наяд төгрөгийн хуримтлагдсан өр бий. Нөгөө талдаа төсөл хөтөлбөр хэрэгжүүлэх замаар тодорхой том төслүүдэд санхүүжилт хийгээд Эрдэнэс Тавантолгой компанийн хувьд авлага ч төрийн өмчит компаниудын өр төлбөр болсон 4.6 их наяд төгрөг бий. Энэхүү өр авлагын асуудлыг цэгцэлж, хооронд нь суутган тооцох эрхийг УИХ- аас авч, компаниудын өр авлагын асуудлыг цэгцлэх заалтыг гуравт оруулж ирсэн.
