Өнгөрөгч оны 4-р сарын 14-нд Европын хүнд даацын Ariane 5 пуужингийн төгсгөлийн өмнөх хөөргөлт боллоо. Францын Гвиана дахь Куру сансрын буудлаас хөөргөсөн энэхүү зөөгч пуужин нь Европын сансар судлалын агентлагийн ойрын жилүүдийн хамгийн амбицтай зорилтуудын нэг болох Бархасбадийн Icy Moons Explorer (JUICE) гариг хоорондын автомат станцыг сансарт илгээсэн юм.
Зургаан тонн жинтэй энэ төхөөрөмж нь 2024 оны 8-р сараас 2029 оны 9-р сар хүртэл Дэлхий болон Сугар гаригийн орчимд таталцлын хэд хэдэн маневр хийх бөгөөд үүний дараа 2031 оны дундуур Бархасбадь гаригт хүрэх болно. Тэнд тэрээр тус гаригийн байгалийн гурван дагуул /сар/ болох Европ, Ганимед, Каллистог 35 удаа тойрон нисэх юм. Үүний дараа гариг хоорондын автомат төхөөрөмж нарны аймгийн хамгийн том сар болох Бархасбадийн Ганимедийн тойрог замд орох бөгөөд 2034 оны сүүлээс тус тойрогт 2035 оны 9-р сар хүртэл байх болно.
Энэхүү судалгааны зорилго нь Бархасбадь гариг болон түүний сарнуудаас амьдралын орчны ул мөрийг хайх явдал юм.
Түүнчлэн аравдугаар сарын 13-нд АНУ-ын Флорида муж дахь сансрын буудлаас Falcon Heavy пуужингаар Psyche төхөөрөмжийг сансарт хөөргөсөн. Номлолын зорилгод бүтэц нь Ангараг шиг гарагийн цөмтэй төстэй 16 Psyche металл астероидыг судлах явдал багтана. Энэхүү төхөөрөмж нь 2029 онд диаметр нь 250 километрээс илүүтэй астероидын тойрог замд орох ёстой.
Уг станц нь 21 сар орчим хугацаанд 16 Psyche астероидын ойролцоо байх бөгөөд энэ хугацаанд тухайн бага гаригийн соронзон болон таталцлын талбайг судлахаас гадна химийн найрлага, бүтцийн онцлогийг судлахаар төлөвлөж байна.
Өөр нэг үүнтэй төстэй болох Origins Spectral Interpretation Resource Identification Security Regolith Explorer (OSIRIS-REx)-ын эхний үр дүнг аль хэдийн аваад байгаа.. Тус төхөөрөмжийн Бенну астероидын дээж бүхий капсул 9-р сарын 24-нд дэлхийд буцаж ирсэн бөгөөд эрдэмтэд тэндээс ус, органик нэгдлүүдийг илрүүлсэн .
Тодотгоход OSIRIS-REx станцыг тээвэрлэсэн Atlas V пуужинг долоон жилийн өмнө Канаверал хошуунаас хөөргөсөн. 2018 онд сансрын хөлөг Бенну астероидод хүрсэн. Капсулыг дэлхий дээр буулгасны дараа эх сансрын хөлөг Апофис астероидын зүг чиглэн ниссэн бөгөөд 2029 онд уг астероидод хүрэх боломжтой гэсэн тооцоололтой байна.
Эх сурвалж: Лента.ру
