Хэдхэн хоногийн өмнө ЦЕГ-аас хүн хулгайлж, гэрээс нь их хэмжээний мөнгө дээрэмдээд зугтаасан этгээдийг баривчиллаа гэсэн мэдээллийг өгсөн билээ.

Тодруулбал, Эрүүгийн цагдаагийн албанаас иргэн Б нь бусадтай бүлэглэн, ашиг олох зорилгоор урьдчилан нэгдэж, өдөр Хан-Уул дүүргийн нутаг дэвсгэрт байрлах орон сууцанд зөвшөөрөлгүй нэвтэрч хохирогчийг хулгайлан, түүнд хүч хэрэглэн 98.5 сая төгрөгийг дээрэмдсэн байна.

Энэ үйлдэлд Б нарын гурван этгээдийг Эрүүгийн хуулийн 13.2 дугаар зүйлийн 2 дахь хэсгийн 2.3, мөн хуулийн 13.4 дүгээр зүйлийн 4 дэх хэсгийн 4.1, мөн хуулийн 13.6 дугаар зүйлийн 2, мөн хуулийн 17.2 дугаар зүйлийн 3 дахь хэсгийн 3.3-д зааснаар эрүүгийн хэрэг үүсгэж, яллагдагчаар татан мөрдөн шалгах ажиллагаа явуулж, хэргийг шүүхэд шилжүүлэх саналтай прокурорт хүргүүлжээ.

Тэгвэл хулгайлагдсан, мөнгөө дээрэмдүүлсэн Б нь хэн бэ гэдэг нь тодорхой болжээ. Улстөрийнхний хүрээлэлд ойр байдаг Симба хочит Ц.Батааг гэрээс нь Сэлэнгийн У.Баатаржав тэргүүтэй бүлэг этгээд хулгайлж, их хэмжээний мөнгө дээрэмдээд зугтаасан хэрэг өнгөрсөн наймдугаар сард гарчээ.