УИХ-ын гишүүн Х.Болорчулууныг Хүнс хөдөө аж ахуй хөнгөн үйлдвэрийн сайдаас огцруулахыг Монгол Улсын Ерөнхий сайдаас шаардаж, албан тушаалын давуу байдлаа ашигласан байдлыг нь хууль хяналтын байгууллагаар шалгуулж, тогтоолгохоор холбогдох баримтуудыг сэтгүүлч Х.Ган-Ялалт, Х.Ганзаяа нар дэлгэж, мэдээлэл хийлээ.
Мөрч.мн сайтын сэтгүүлч Х.Ган-Ялалт "Найман сарын хугацаанд сайд Х.Болорчулуунтай холбоотой материалыг цуглуулсан. Бид хууль зөрчөөгүй, нээлттэй мэдээллийн сангуудаас түүнтэй хамаарал бүхий материалуудыг нь цуглуулж, баталгаажуулсан. Өнгөрсөн шөнө ЦЕГ дээр саяхан томилогдсон Ганзориг гэж даргатай Болорчулуун сайд өөрийн биеэр очиж уулзсан юм байна. Манай дээр мэдээлэл бэлтгэгдэж байгаатай холбоотойгоор сайд манайх руу хэд хэдэн хүнийг явуулсан. Албан бус мэдээллээр лам дээр очсон байсан.
ЦЕГ дээр очихдоо бидний бэлтгэсэн мэдээллийн талаар мэдээлэл өгөөд биднийг алаад өгөөч дараад өгөөч гэж ямар нэгэн байдлаар дарамталж дарж авах гээд байна. Бид ямар нэгэн албан тушаалтныг дарамтлах гээгүй. Шантааж хийхгүй.
Дөнгөж сая Болорчулууны албанаас хэвлэлийнхэнтэй яриад мэдээлэл авахгүй байхыг хэлсэн байгаа юм. Сайд Х.Болорчулуун нь албан тушаалын байдлаа урвуулан ашиглаж 94,9 тэрбум төгрөгийг хамаарал бүхий компаниудаараа авсан. Тиймээс энэ мэдээллийг холбогдох газруудад шалгуулахаар өгнө. Түүнээс гадна бид хамгаалалт хүсэж байна. Бидний амь нас эрүүл мэндэд заналхийлсэн.
Энэ хүн албан тушаалын хэрэг дээр хууль хяналтын байгууллагуудтай том сүлжээтэй. Энэ хүний тендер төсөл, гэмт хэрэгтэй холбогдож байсан материалууд ч бий. Мөн хүчингийн хэрэгт ч холбогдож байсан гэх материалуудыг олж бэлтгэсэн. Бид хүн гүтгээгүй. Бичсэн материал бүхэн бий. Нотлох албагүй, гэхдээ эднийг шалгах ёстой. Гэмт хэргийн шинж чанартай гэдгийг улстөрийн байгууллага болоод хуулийнхан шалгах ёстой байх.
Өнөөдөр Дорнод аймагт юу хийсэн юм бэ. Хоёр хороолол барьсан байдаг. Гэвч газар нь тухайн үедээ мөн л хууль зөрчсөн байдаг. Ийм л хүн. Бүх төрлийн тендерүүдэд ордог, албан тушаалын байдлаа ашигладаг. Хөгжлийн банкнаас хүртэл 3 тэрбум төгрөг авсан байдаг. Энэ хүн өндөр өндөр албан тушаалыг хашдаг. Олон компани энэ хүнтэй ямар нэгэн байдлаар холбоотой байгаа юм. Найзуудын сүлжээ нь ч өргөн хүн байна. Ах дүүс, найз нөхдийн сүлжээ их байна.
Нэг зүйлийг хэлэхэд, Л.Оюун-Эрдэнэ сайдаа та шүүр ажиллагаагаа танхимаасаа эхлүүлмээр байна. Таны удирдаж байгаа танхимд чинь шүүрдэх хүмүүс байна. Өнөөдөр энэ нээлттэй мэдээлэл, хууль зөрчиж олж авсан мэдээлэл биш юмаа.
Сэтгүүлч Х.Ганзаяа "Бид нар руу халдлага орж ирээд байна. Хаа яваа газар чинь ална гээд байна. Лам дээр очиж байна шүү, цагдаа дээр очиж байна шүү гэж айлгадаг.
Энэ хүнийг хуулийн байгууллага яагаад шалгахгүй байгаа юм бэ хуулийнхантай өөрөө холбоотой сүлжээтэй юм байна. Бид нарыг дарах гэж оролдоод байна. Бид нарын амьд явах эрхэд халдаад байна. Тиймээс биднийг хамгаалалтад авахыг хүсч байна. Энэ хүн албан тушаалаа ашиглаж гэрээ хийдэг. 950 тэрбум төгрөгийн зээл аваад алга болсон. Зээлээ төлөөгүй.
Биднийг Ч.Хүрэлбаатарын тролл гэж байна. Тэр хүнтэй ямар ч хамааралгүй. Цагдаагийн газарт очоод энэ хоёр хүнийг дуугай болго, асуудлыг шийд гэдэг ийм ёсзүйтэй сайд хүн байж болох юмуу. Хөдөө аж ахуйн сан дээр байгаа 200 тэрбум төгрөг хаана байна, эргэн төлөлт буцаалт нь хаана байна вэ гэж асуумаар байна. Энэ мөнгөө тайлбарлах ёстой, хаана хэн гацаасан юм бэ" гэв.
