Энэтхэгийн Вадодара хотын Харни нууранд завь хөмөрсний улмаас сургуулийн зугаалгаар явж байсан 12 сурагч, хоёр багш амиа алдсан хэрэг өчигдөр /2024.01.18/ гарсан байна. Орон нутгийн цагдаа нар амиа алдагдсдын тоог баталсан бөгөөд аврах ажиллагаа үргэлжилж байна гэжээ. Гужарат мужийн Вадодара дахь Харни нуурт зугаалахаар гарсан онгоцонд нийт 27 орчим хүн байсан бөгөөд долоон хүнийг уснаас аварч, ойролцоох эмнэлэгт хүргэжээ. Усан онгоцонд зорчигчдыг суулгахдаа аюулгүй байдлыг нь огт хангаагүй, аврах хантааз ч өмсгөөгүй байна. Энэтхэгийн Ерөнхий сайд Моди өөрийн твиттер хуудсанд “ Нас барагсдын ар гэрийнхэнд гүн эмгэнэл илэрхийлж, бид сэтгэл зүрхээрээ хамт байгаа шүү” гэжээ.Гужарат мужийн зүгээс нас барагсдын ар гэрт 400 мянган рупи / ойролцоогоор 4800 доллар/, шархадсан хүмүүст 50 мянган рупи /600 доллар / олгохоо мэдэгджээ.
Энэтхэгт усан онгоцнууд үргэлж ачаалал ихтэй байдаг ч засвар үйлчилгээг цаг тухайд нь хийдэггүй, зорчигчдын аюулгүй байдлыг хэрэгсэхгүй зэргээс осол гарах нь элбэг байдаг. Өнгөрсөн жил гэхэд Энэтхэгийн өмнөд Керала мужид зав хөмөрч, 22 хүн амиа алдсан юм
Эх сурвалж: BBC
