"Эрэл"-ийн Б.Эрдэнэбатын Ариг банкыг дээрэмдэх гэж хууль хяналтын байгууллагынхан зохион байгуулалттайгаар эрүүгийн хэрэг үүсгэж Хан-уул дүүргийн эрүүгийн хэргийн шүүгч Доржсүрэн гэгч 7 жилийн хорих ялаар хорьсон хойгуур нь Ариг банкны 30 хувийн хувьцааг дээрэмдэж авсан гэж тэрбээр ярьсаар өнөөдрийг хүрсэн. Үнэхээрч тухайн үеийн хэргийг Баярсайханы талд шийдэж хувьцааг нь авахад оролцсон хоёр шүүгч ял авсан, гэтэл түүнийг хорьсон шүүгч Доржсүрэн өнөөдрийг хүртэл ажлаа хийгээд явж байгаа гэж тэрээр нэг биш удаа ярьлцлага өгсөн байдаг. Хожим Ариг банкыг дээрэмдсэн гэж Монгол улсын Ерөнхий сайд мэдэгдэл хийж Номингийн Ш.Баярсайхан болон түүнд оролцсон цагдаа нар, шүүгч, өмгөөлөгч Б.Баасанцогт нарт хэрэг үүсгэн шалгаж яллагдагчаар шалгагдаж байгаад оны өмнөхөн Номингийн Баярсайханы хэргийг хаажээ.
Тодруулбал: Нийслэлийн прокурорын газрын Ерөнхий прокурорын орлогч А.Энхжаргал гэгч ганц тогтоол гаргаад л хүчингүй болгосон баримтыг та харж байна. Мөнгөтэй хүнд үүссэн Эрүүгийн хэрэг прокурор дээр очоод хаагддаг жишигийн нэг л дээ
Номингийн Ш.Баярсайхан нь өмгөөлөгч Баасанцогттой бүлэглэн Нийслэлийн прокурорын орлогч асан Ц.Насанбат, Эрүүгийн Цагдаагийн мөрдөн шалгах хэлтсийн дарга асан Б.Оргил болон Хан-уул дүүргийн иргэний хэргийн хоёр шүүгч тэргүүтэй хууль хяналтын байгууллагын албан тушаалтнуудад Хахууль өгөх замаар өөртөө давуу байдал бий болгосон үндэслэлээр Эрүүгийн хэрэгт яллагдагчаар 2023 оны 06 сард татагдсан байдаг. Гэвч түүний яллагдагчаар татагдсан прокурорын тогтоолыг 2023.12.28 буюу шинэ жилийн баярыг далимдуулан дээд шатны прокурор Нийслэлийн Прокурорын газрын Ерөнхий прокурорын орлогч хууль цаазын шадар зөвлөх А.Энхжаргал хүчингүй болгожээ. Үндэслэл нь "яллагдагчаар татах тухай тогтоолд...ЯМАР ГЭМТ ХЭРЭГ ХЭЗЭЭ, ХААНА ҮЙЛДСЭН ТАЛААР ЗААГААГҮЙ гэжээ.
Яллагдагчаар татсан прокурорын тогтоолд яллагдагч Ш.Баярсайхан нь дээрхи хууль хяналтын байгууллагын удирдах албан тушаалтан, тэдний хамаарал бүхий этгээдүүдэд аль банкны дансаар хэдэн төгрөг, хэзээ шилжүүлснийг он сар хэмжээтэй нь бичжээ.
Монголд мөнгөтэй хүнд хууль үйлчилдэггүй тод жишээ юм даа.
