Баянхонгор аймгийн Нэгдсэн эмнэлгийн даргыг түр орлон гүйцэтгэгч Ч.Жавзан гэх хүний ааш авир ёс зүйгүй үйлдэл, далд дарангуйлал нь хэрээс хэтэрч байгаа талаар тус эмнэлгийн эмч бүсгүй Г өөрийн цахим хуудсандаа бичжээ.
Тэрбээр "Энэ хүний дарангуйлал ааш авир хэрээс хэтэрч, тэвчээрийн хязгаарыг давлаа. Одоо бид ийм байдалтай эвлэрээд сууж чадахгүй, энэ хүн удирдах арга барилгүй хувь хүний хувьд төлөвшилгүй байгууллагыг шоронжуулах арга барилаар удирддаг. Юманд хэмжээ хязгаар гэж байх ёстой гэж үзлээ.
2024 оны 01 сарын 19 ний өдрийн байгууллагын эмч нарын яриан дээр байгууллагын ажилчдаа учир утгагүй хашгичих, зайл, өрөөнөөс гар гэж хөөх зарим нэг эмчийг өшиглөх алгадах зэрэг удирдлага хийж байгаа хүнд байх ёсгүй ёс зүйгүй үйлдлийг гаргалаа.
Төрийн албанд ажиллаж байгаа хэрнээ Ч.Жавзан болон түүний тойрон хүрээлэгчдийн хувийн эмнэлэгт ажиллаж байгаа мэт ийм мэт ааш араншинтай хүмүүсээр эмч, эмнэлгийн ажилчид бид нар удирдуулахыг хүсэхгүй байна. Энэ хүн Баянхонгор Нэгдсэн Эмнэлэгийн Эмч нарыг нохойноос дор үзэж байна ажил хийх нөхцөлгүй болгож байна одоо нэгдсэн эмнэлгээс чадварлаг эмч нар энэ хүний ёс зүйгүй ааш авираас болж ажлаасаа гарах, ажлаасаа халшрах хам шинж үүсэж ажлын бүтээмжгүй байдал үүсэж байна.
Энэ хүнд хууль үйлчлэхгүйгээр барахгүй дур зоргоороо аашилж авирлах боллоо. Эмнэлгийн үйл ажиллагаа өдрөөс өдөрт дордож ард иргэд чанартай тусламж авах нөхцөл муудсаар байна. Энэ хүний наашаа харж худал ярьж, цаашаа харж бас нэг нүүр гаргаж байгаа нь үнэхээр ажилчдын хүндлэл хүлээж чадахгүй байнаа. Энэ ёс зүйгүй түр орлон гүйцэтгэгчдээ Төрийн албаны төв зөвлөл, Эрүүл мэндийн яам, ЭМЯ-ны ёс зүйн хороо, аймгийн ЭМ-ийн газар, Баянхонгор аймгийн засаг дарга Д.Мөнхсайхан нар анхаарч яаралтай арга хэмжээ авна уу" гэжээ.
