Засгийн газрын хуралдааны дараа ОБЕГ-ын дарга, хошууч генерал Г.Ариунбуян мэдээлэл хийлээ. Тэрээр "Гал түймрийн улмаас шатсан автомашинуудын нөхөн төлбөрийг мөрдөн шалгах ажиллагааны дараа шийднэ. Ингэхдээ буруутай этгээдээр төлүүлнэ. Тодруулбал, "Дашваанжил" компанийн эзэмшилд буй автомашин хөдөлгөөнд оролцох явцдаа эрсдэл учруулсан байж болзошгүй гэдэг асуудлаар хуулийн байгууллага ажиллаж байна. Мөрдөн шалгах ажиллагааны дараа энэ этгээдээр төлүүлэх асуудал тодорхой болно. Түүнчлэн тухайн автомашин нь НИТХ-ын тогтоолоор баталсан дүрэм, журмыг зөрчиж зөвшөөрөлгүйгээр хөдөлгөөнд оролцож байсан гэдэг асуудал гарсан. Тиймээс буруутай этгээдээр төлүүлэх асуудлыг эргэж ярина" гэсэн юм.
