Энэ сарын 24-ний өдөр галын дэлбэрэлтэд өртөж, харамсалтайгаар амиа алдсан Онцгой байдлын гурван алба хаагчаа өнөөдөр эцсийн замд нь үдэн гаргалаа. Талийгаачид аврах 63 дугаар ангийн алба хаагчид байсан бөгөөд 28-30 насны идэр гурван шилдэг ажилтнууд байлаа. Тэд байгууллагадаа 4-7 жил ажилласан туршлагатай алба хаагчид байв.
Өнөөдөр тэднийг Нийслэлийн Онцгой байдлын газраас үдэн гаргаж байгаа бөгөөд Онцгой байдлын албаны удирдлагууд болон холбогдох албаныхан, талийгаачийн ар гэрийнхэн нь найз нөхөд ах дүүс ажлын хамт олон нь бүгд цугларчээ.
Өргөсөн тангарагтаа үнэнч байж, эх орныхоо төлөө иргэд түмнийхээ төлөө явж байгаад алтан амиа өргөсөн эрэлхэг дайчин хөвгүүд минь эх орондоо энгэр бүлээн шороондоо үүрд амгалан тайван нойрсоорой. Ар гэр бүлд нь гүн эмгэнэл илэрхийлье. Ум маани бад ми хум.
