Гуравдугаар сарын 29-ний өдөр Өмнөговь аймгаас Улаанбаатар хотын чиглэлд 38 ажилтныг тээвэрлэж явсан “Хьюндай юниверс" загварын автобус "ФАВ СА4250" загварын ачааны машинтай мөргөлдсөн. Осол Төв аймгийн Сэргэлэн сумын Хайрхан багийн "Ногоон дов” гэдэг газар гарсан бөгөөд хоёр тээврийн хэрэгсэлд нийт 41 иргэн явсан. Үүнээс автобусны үндсэн болон туслах жолооч маш хүнд гэмтсэний улмаас амиа алдсан.
37 зорчигч ГССҮТ-д хүргэгдэн ирж, 9 нь таван тасагт хэвтэн эмчлүүлж, зөөвөрлөх боломжгүй хоёр иргэн Төв аймгийн нэгдсэн эмнэлэгт эмчлүүлж байгаа талаар өмнө мэдээлсэн.
Тэгвэл Төв аймагт үлдсэн хоёр иргэний нэг нь нас баржээ. Тэрээр тархи гавалын хүнд гэмтэл авч, ГССҮТ-өөс баг очиж хагалгаа хийгээд байсан юм.
