УИХ-ын гишүүн Ч.Лодойсамбуу өнгөрсөн Баасан гараг буюу 2-р сарын 7-нд Монгол Улсын Ерөнхий сайд Л.Оюун-Эрдэнийг огцруулах санал гаргаж байгаагаа тодорхой үндэслэлийн хамт албан ёсоор зарласан билээ. Монгол Улсын Үндсэн хуулийн 43 дугаар зүйлийн 43.1-т "УИХ-ын гишүүний дөрөвний нэгээс доошгүй нь Ерөнхий сайдыг огцруулах саналыг албан ёсоор тавибал УИХ гурав хоногийн дараа хэлэлцэж эхлэн арав хоногийн дотор шийдвэрлэнэ" гэсэн заалттай. Иймээс ч УИХ-ын гишүүн Ч.Лодойсамбуу УИХ-ын бусад гишүүдийг уг саналыг дэмжин, Ерөнхий сайдыг огцруулах санал бүхий албан бланк дээр гарын үсэг зурахыг уриалж буй аж.
Одоогийн байдлаар УИХ-ын гишүүн Ж.Баярмаа уг саналыг дэмжиж, гарын үсэг зурна гэдгээ албан ёсоор илэрхийлээд байгаа .
Тэгвэл сүүлийн үед эрх баригчдыг хамгийн их шүүмжилж, бараг л эрх барих нам доторхи сөрөг хүчний хамгийн тод төлөөлөл шахуу болоод буй УИХ-ын гишүүн Д.Энхтүвшинтэй УИХ-ын гишүүн Ч.Лодойсамбуу холбогдсон гэнэ.
Эх сурвалжуудын өгүүлж буйгаар Д.Энхтүвшин Ерөнхий Сайдыг огцруулах саналд гарын үсэг зурах эсэхээ шийдээгүй байгаа гэжээ.
У.Уянга
Sonin.mn
