"Эрдэнэт" ТӨҮГ-ын шинэ удирдлагаар Онцгой байдлын ерөнхий газрын дарга, Элчин сайд асан Т.Бадрал, Төрийн өмчийн бодлого зохицуулалтын газрын дарга Б.Цэнгэл нарын нэгийг томилж магадгүй гэх мэдээлэл өнгөрөгч өвлөөс хойш дуулдаж буй. МАН тэнд энэ хоёрын хэнийг аваачих дээрээ эцсийн тохироогоо хийсэн бололтой.
Ерөнхийлөгч эл албан тушаалд өөрийн хүнээ томилдог бөгөөд Т.Бадрал ч түүний ойрын хүн гэгддэг.
Т.Бадрал нь нэр цэвэр нэгэн биш. ОБЕГ-ыг удирдаж байхдаа тендер будлиантуулж, хуучин автомашин нийлүүлсэн, гал унтраах аврах хэрэгсэл, галын хөөс зэрэг 400 орчим сая төгрөгийн иж бүрдлийг тендер зарлалгүй авсан, төсвийн хагас тэрбум төгрөгөөр хамтран ажиллагчийнхаа хүргэнд өгч гараж бариулсан, шаардлага хангахааргүй засварын ажилд 160 сая төгрөг зарцуулсан зэрэг нь шалгалтаар тогтоогдож явсан тааруухан намтартай нэгэн.
Тиймдээ ч эл хэргээрээ шалгагдаж байсан ч БНХАУ-руу элчингээр явж АТГ-аар шалгагдаж байсан хэргээсээ мултарч байв.
Сэтгэгдэл (1)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!