Улаанбаатар, 2025 оны зургаадугаар сарын 16 /МОНЦАМЭ/. Английн Лондон хотод 2025 оны багийн дэлхийн түргэвчилсэн болон түргэн тоглолтын аварга шалгаруулах тэмцээн боллоо.
Долоон өдөр үргэлжилсэн тэмцээнд 64 орны 52 багийн 420 тамирчин оролцож байгаа бөгөөд манай улсаас гурван баг дэлхийн шилдгүүдтэй өрсөлдөж байна. Тэмцээнд их мастер 123, олон улсын мастер 67, ФИДЕ мастер 65, кандитат мастер цолтой 24 шатарчин оролцжээ.
Дэлхийн шилдгүүдийг цуглуулсан энэхүү тэмцээнд манай улсаас анх удаа гурван баг оролцсон бөгөөд үндэсний шигшээ багийн “Монгол-B” баг блиц төрөлд 2400 хүртэл рейтингтэй багуудын ангилалд алтан медаль хүртлээ. Энэ багт их мастер Б.Мөнгөнтуул, С.Билгүүн, олон улсын мастер С.Ган-Эрдэнэ, ФИДЕ мастер Н.Содбилэгт, кандитат мастер Б.Мөнгөнзул болон Г.Энхбаяр нар багтжээ. Тэд рапид төрөлд 20 дугаар байрт шалгарсан юм.
Харин их мастер Д.Номин-Эрдэнэ, олон улсын мастер Х.Итгэлт, Ретварс Реймэнис, ФИДЕ мастер С.Чингүүн, Б.Ану, Х.Өлзийхишиг, мөн Кристиан Араяа нарыг эгнээндээ нэгтгэсэн “Mongol Z” баг рапид төрөлд 21 дүгээрт шалгарсан бөгөөд тэд 12 дугаар хожсон бол шилдэг найман багийн нэг болох байв.
Тэгвэл олон улсын мастер Г.Амартүвшин, М.Амилал, их мастер Ү.Үүрийнтуяа, Т.Мөнхзул, ФИДЕ мастер С.Чингүүн, Д.Амарбат нараа хүчээ зузаатгасан үндэсний шигшээгийн “Монгол А” багийнхан 24 дүгээр байр эзэллээ.
