Засгийн газрын энэ сарын 25-нд болсон ээлжит хуралдаанаас нефть импортлогч компанид хөнгөлөлттэй зээл олгож, шатахууны нөөц бүрдүүлэх ажлыг шат дараатай зохион байгуулах шийдвэр гаргасан. Энэ талаарх мэдээллийг Аж үйлдвэр эрдэс баялгийн сайд Г.Дамдинням хийж “Ойрхи Дорнодын зарим улс буюу Иран, Иракт болж байгаа үйл явдалтай холбоотойгоор Ормузын хоолой дэлхийн түүхий нефтийн тээврийн 25 хувийг хамаардаг тээвэрлэлтийн суваг хаагдах эрсдэлтэй нөхцөлд орж байна” гэж олон нийтэд мэдээлэв.
Ормузын хоолойгоор дэлхийн түүхий нефтийн 25 бус 20 хувийг тээвэрлэдэг. Иймээс таван сая баррель нефть нэмсэн худал мэдээллийг. Г.Дамдинням сайд иргэдэд өгөв. Ормузын хоолойгоор Арабын том улсуудаас гадна Ираны өөрийнх нь нефть тээвэрлэгддэг. Энэ сувгийг хаачихдаг юм гэхэд Иран шууд Арабын хүчирхэг улсуудын дайсан болохоос гадна өөрөө вальют бас бараагүй болно. Иймээс Г.Дамдинням сайд огт үндэслэлгүй худал мэдээлэл иргэдэд өгөв. Мөн тэрбээр “Нефтийн брент үнэ өчигдөр 5.7 хувиар өссөн” гэж мэдээлсэн. Хаана ч “Нефтийн брент үнэ” гэдэг зүйл байдаггүй. Харин https://ru.investing.com/commodities/brent-oil гэсэн хаягаар ороход энэ сарын 23-ны 8:30 цагт 77.42 ам.доллар байсан Врент маркийн нефтийн үнэ Г.Дамдинням сайдын “Өчигдөр 5.7 хувиар өссөн” гэсэн энэ сарын 24-ний 8:30 цагт 68.06 ам. доллар болон буурч, түүний худал ярьж байсан өдөр буюу энэ сарын 25-ны 8:30 цагийн байдлаар Врент маркийн нефтийн үнэ бүр 66.86 ам. доллар болж буурсан байв.Энэ бол ирээдүй цаг дээрх фьючерс үнэ буюу одоо цаг дээр үүнээс хамаагүй хямд зарагдаж байгаа гэсэн үг юм. Мөн Оросын чанаргүй “Уралс” маркийн нефтийн үнэ мэдээж “Врент”-ээс хямд зарагддаг. Иймээс монголчууд бидэнд албан ёсоор олон янзын худал мэдээлэл тараасан Г.Дамдинням сайдыг иргэдээсээ албан ёсоор уучлалт гуйж, ардчилсан ёсны дагуу ёс суртахууны хариуцлага хүлээж, өөрийн хүсэлтээр сайдын албан тушаалаа хүлээлгэж өгөхийг шаардаж байна.
Ө.Тулга
Эх сурвалж: Өдрийн сонин
