УИХ-ын дарга Д.Амарбаясгалан үүсээд буй нөхцөл байдалтай холбоотойгоор мэдээлэл өгч байна.
Тэрбээр “Сүүлийн хоёр жилийн хугацаанд намайг нүүрсний хулгайч мэтээр зарлаж, ямар нэгэн баримтгүйгээр гүтгэж байна. Эдгээр үйл явдал нь хууль хяналтын байгууллагаар шалгагдах нь битгий хэл, намайг дуудаж мэдээлэл авч байгаагүй, нотлогдох нөхцөлгүйгээр явж байсан. Харамсалтай нь МАН-ын даргад нэр дэвшигчээр зарлагдсан цагаас эхлэн энэ үйл ажиллагаа илт идэвхжилээ. Улс төрийн дарамт, дарангуйлал Монгол Улсад бүрэн тогтсон байгааг би өөрийн биеэр харж байна. Хууль хяналтын байгууллага асар их дарамт дунд, үйл ажиллагаа явуулахад хүндрэлтэй байгаа гэдгийг сүүлийн өдрүүдэд мэдэрч авлаа. Хэвлэл мэдээллийн хэрэгслээр Д.Амарбаясгаланг нүүрсний хулгайч мэтээр зарлаж явсан нөхрийг хоёр өдрийн өмнө Ерөнхий сайд Г.Занданшатар Хууль зүй, дотоод хэргийн сайдаар томилж байгаагаа Үндсэн хууль зөрчиж, УИХ, Монгол Улсын Ерөнхийлөгчид танилцуулахгүйгээр зарласан. Миний хувьд нэг зүйл тодорхой болсон. Өнгөрсөн хоёр жилийн туршид намайг ямар зорилгоор нүүрсчин болгох энэ ажил хийдсэн гэдгийг учир тайлагдсан. Нүүрсчин болгох гэж гүтгэсэн этгээд нь, нүүрсчин болгуулахаар захиалга өгсөн этгээдээсээ Хууль зүй дотоод хэргийн сайдын албан тушаалаар шагнуулж байгааг Монголын ард түмэн харлаа” гэв.
