Монгол Улсын Ерөнхийлөгч Ухнаагийн Хүрэлсүх Монгол Улсын Үндсэн хуулийн Гучин гуравдугаар зүйлийн 1 дэх хэсгийн 1, Монгол Улсын Ерөнхийлөгчийн тухай хуулийн 12 дугаар зүйлийн 8 дахь хэсгийг тус тус үндэслэн УИХ-ын 2025 оны 95 дугаар тогтоолд бүхэлд нь хориг тавилаа. Мөн Монгол Улсын Их Хурлын дэд дарга, гишүүн Х.Булгантуяагийн үйл ажиллагаа, Ерөнхий сайдыг огцруулах асуудлыг хэлэлцсэн Монгол Улсын Их Хурлын чуулганы 2025 оны 10 дугаар сарын 17-ны өдрийн нэгдсэн хуралдаан болон уг хуралдаанаас гарсан Ерөнхий сайдыг огцруулах тухай Улсын Их Хурлын тогтоол нь Үндсэн хууль зөрчсөн эсэх тухай маргааныг хянан хэлэлцэх Үндсэн хуулийн цэцийн их суудлын хуралдаан 2025 оны 10 дугаар сарын 22-ны өдрийн 09.30 цагаас Үндсэн хуулийн цэцийн хуралдааны танхимд нээлттэй болох гэж байна. Үүнтэй зэрэгцэн, УИХ-ын нэр бүхий гишүүд яаран сандран гарч ирж, элдэв зүйл ярьж эхлэв.
Тэдний нэг болох, УИХ-ын гишүүн, "Үндэсний Эвсэл"-ийн тэргүүн Н.Номтойбаяр: "Үндсэн Хуулийн Цэц яагаад яаран сандран шийдвэр гаргах болов.
Үндсэн Хуулийн Цэцийн гишүүдийн бүх холбоо хамаарлыг хармаар байна. Ашиг сонирхолтой холбоотой нөхдүүд гэж бодож байна.
Урьд нь хаана ажиллаж байсан юм? хэнтэй хамааралтай юм гэдгийг бүгдийг нь үзэх хэрэгтэй. Цэцийн гишүүдтэй холбоотой ёс зүйн маш ноцтой ноцтой асуудлууд гардаг. Архи ууж агсам согтуу тавьдаг, ёс бус байдлаар эмэгтэй хүмүүстэй харьцдаг гэх мэт." гэсэн юм.
Уучлаарай, Н.Номтойбаяраа.
Таны хувийн амьдралыг Монгол даяараа мэднэ. Хууль бус ан хийсэн байж болзошгүй, эмэгтэй хүнийг бүлэглэн хүчиндсэн байж болзошгүй, хэд хэдэн эмэгтэйтэй ёс бус харьцсан байж магадгүй, шөнийн клуб хэсч зодоон хийсэн байж болзошгүй олон мэдээллийг найз гэх "Мунзуй" Н.Нямдоржоос авахуулаад олон хүн ярьж байлаа. Тэр бүү иргэн Б.Тайвантай баранд зодолдож буй бичлэг нь ч нийгмийн сүлжээгээр цацагдаж байв.
Ийм хүн гэнэт ариун гэгээн хувилгаан аятай аашилж, Үндсэн хуулийн цэцийн гишүүд архи уудаг юм байна шүү дээ, тэгэхээр шийдвэрт нь эргэлзэж байна гэх маягийн юм ярьж зогсох нь үнэндээ л дэндүү үнэмшилгүй харагдаж байна.
Ер нь Н.Номтойбаяр бусдыг архи, хүүхэнтэй холбогддог гэж шүүмжлэх ёс зүйтэй хүн мөн үү?
Б.Намуун
