Украины Ерөнхийлөгч Владимир Зеленский ОХУ-ын Ерөнхийлөгч Владимир Путинтэй шууд уулзаж, яриа хэлэлцээ хийх тохиолдолд Украины нутаг дэвсгэрийн бүрэн бүтэн байдал болон дайны шалтгааныг хэлэлцэнэ гэдгээ мэдэгдлээ. Тэрбээр энэ тухай Fox News телевизэд өгсөн ярилцлагадаа дурьджээ.
Зеленский Путинтэй харилцан яриа өрнүүлэх сонирхолгүй, түүнийг өөрийн дайсан гэж үздэгээ онцолсон ч дэлхийн аюулгүй байдлын үүднээс, мөргөлдөөний хурцадмал байдлыг даамжруулахгүй байх, цаашлаад гуравдугаар дэлхийн дайн дэгдэх эрсдэлээс зайлсхийхийн тулд хэлэлцээ хийх боломжийг бүрэн үгүйсгээгүй байна. Түүнчлэн хоёр талын хооронд харилцан итгэлцэл огт байхгүйг тэмдэглэжээ.
Түүний хэлснээр, Оросын анхны зорилго нь Украин улсыг бүрэн эзлэн түрэмгийлэх явдал байсан бөгөөд ийм төрлийн түрэмгийлэл дахин давтагдахгүй байх бодит баталгааг авах нь Киевийн хувьд нэн чухал асуудал гэнэ.
Мөн Зеленский дайн 2026 онд дуусах магадлалтай гэсэн байр суурь илэрхийлсэн байна. Тэрээр 2025 онд Оросын армийн тоо анх удаа өсөхөө больж, шинээр гэрээ байгуулан элсэгчдийн тоо байлдааны хохирлын түвшинтэй тэнцсэн гэж тайлбарлав. Түүний үзэж буйгаар, энэ нөхцөл байдал нь ОХУ шинэ, өргөн хүрээтэй дайчилгаа явуулахгүйгээр дайныг үргэлжлүүлэх боломжийг хязгаарлаж болзошгүй ажээ.
Н.Отгончимэг
Эх сурвалж: minval.az
