Нийгэм / 2018/02/12 / 5

Говь-Алтайн ИТХ-ын дарга алдарт уяач болохоор амбийцалж явна



Монгол Улсын Ерөнхийлөгчийн зарлигаар төрийн дээд одон медалиар шагнагдсан Говь-Алтай аймгийн сайчууд саяхан цагаан сарын өмнөхөн шагналаа гардан авлаа.  Харин энэ үеэр тус аймгийн ИТХ-ын дарга Т.Ганзоригийн нэгэн увайгүй санаархал олны дүргүйг хүргэжээ.

Тодруулбал, тус  аймгийн ИТХ-ын  дарга Т.Ганзориг нь Монголын Морин спорт уяачдын Холбоонд хуурамч материал бүрдүүлэн өгч “Монгол улсын алдарт уяач” хэмээх өндөр цолыг авахаар санаархаж байгаа аж. Мэдээж, энэ цол бол өндөр нэр хүндтэй бас араас нь хариуцлага дагалдаж явдаг нь тодорхой. Хамгийн гол шалгуур нь тухайн хүн ийм  алдар цолны эзэн болох болзолоо хангасан байх учиртай.  

Гэтэл Т.Ганзориг 2017 оны хаврын Баруун бүсийн хурдан морины уралдааны айргийн 4-т хурдалсан М.Мөнхзоригийн хонгор азаргыг, мөн  Увс аймагт зохиогдсон бүсийн  зуны их насны морьдын уралдаанд  айргийн 5-д хурдалсан  Д.Тэрбишийн буурал морийг өөрийн нэр дээр уралдсан болгож,  алдарт уяачийн цол руу санаархжээ.

Түүний энэ үйлдэл нь Үндэсний баяр наадмын тухай хуулийн 8 дугаар зүйлийн 8.3 болон  8.6 заалтуудыг тус тус зөрчсөн байгаа юм.

 Дээр нэр дурдагдсан хонгор азарга, буурал морь хоёр морь нь  М.Мөнхзориг, Д.Тэрбиш нарын нэр дээр уралдсан болох нь  тухайн үеийн телевиз болон уралдааныг зохион байгуулагчийн бичлэгт хадгалагдан үлдсэн байдаг. Түүнчлэн энэ морьд өнөөг хүртэл дээрхи хүмүүсийн эзэмшлийн нэр дээр байдаг болно.

Хэрэв дээрхи морьд Т.Ганзоригийн нэр дээр уралдсан бол санхүүгийн ямар эх үүсвэрээр худалдаж авсан талаараа 2019,2017 оны хөрөнгө оруулгын мэдүүлэгтээ тусгах ёстой. Гэтэл энэ талаар тусгаагүй байгаа юм.

ИТХ-ын даргын албан тушаалаараа далайлган  бусдын хурдан морьдыг  өөрийн нэр дээр бичүүлж “Монгол улсын алдарт уяач” цолыг авах оролдлого хийж байгаа түүний энэ үйлдлийг албан тушаалын эрх мэдлээ хувийн эрх ашгаа гүйцэлдүүлэх хэрэгсэл болгон ашиглаж байна гэж үзэх үндэслэлтэй юм. 



  • Зочин · [1.25.85.204] · 2018/02/13

    Утасны чинь эхнии 4 оронг мэднэ.сүүлийн 4 оронг мартаж. Аймгийг чинь хөгжүүлж өгье. Бээжин хот.


  • Зочин · [1.25.85.204] · 2018/02/13

    Ганзориг оо найзаа.утас чинь хэд билээ.утсаа явуулаарай. Найз С.


  • Түвдэн · [202.9.41.36] · 2018/02/12

    Аймгийн ажлын үзүүлэлт, хөгжлийн түвшнийг нь харгалзаад "Баян ходоо" цол олгоё чамд


  • Доржпүрэв · [202.9.41.36] · 2018/02/12

    Сайн намчираад бай. Бүр их намчирах. Тэгэхээр аймгийн хөгжил чинь бусад аймгуудаас сүүл мушгисаар байх болно.


  • Баатархүү · [202.9.41.36] · 2018/02/12

    Хөөе адгуус минь. Уяач энэ тэр гэж солиорч явахаас Аймгаа хөгжүүлэхээ бод. Аймаг чинь жил дараалан хамгийн хөгжил муутай, бүтээн байгуулалтгүй аймгаар шалгараад байна.