Халиарууд Я.Содбаатарыг 60 тэрбумынхан Ё.Баатарбилэгээ сойв


 МАН дотрох хагаралдаан ид дундаа өрнөж байна. ЗТХ сайд Ж.Бат-Эрдэнэ огцрох хүсэлтээ өгч Зам тээврийн салбар МАН-ын бүрэн эрхийн хугацаанд гурав дахь сайдтайгаа учран золгох боллоо. У.Хүрэлсүхийг дэмжиж Ж.Эрдэнэбатын засгийн газрыг огцруулсан 33-ын бүлгийг Халиарууд гэж Ц.Сандуй нарын бичлэг дээр нэрлэсэн бол Ж.Эрдэнэбатын засгийн газрыг хамгаалагчдыг 60 тэрбумынхан хэмээн нэрлэдэг болоод удлаа. Дараагийн сайд нь хэн бэ? Өөрийн хүсэлтээр огцорсон Ж.Бат-Эрдэнэтэй хамт Зам тээврийн хөгжлийн яамны Дэд сайд Б.Цогтгэрэл, Төрийн нарийн бичгийн дарга Ж.Бат-Эрдэнэ нар мөн ёс зүйн хариуцлага хүлээе хэмээн болсон хэрэг явдалтай огт хамаагүй хэрнээ огцорцгоосон. У.Хүрэлсүхийн засгийн газрын бас нэг авууштай юм нь оролцсон оролцоогүй хамаагүй алдаа дутагдал гарсан бол шууд өргөдөлөө өгдөг урд хожид байгаагүй зөв арга хэмжээ авч хариуцлага илт чангарч байна. Мэдээж Дэд сайд Б.Цогтгэрэл нь У.Хүрэлсүхийн дотнын залуучуудын нэг бөгөөд Халиар юм. Харин түүний оронд Т.Бадамжунайгийн гарын хүн бөгөөд 60 тэрбумын бүлэглэлийн нэгэн томоохон төлөөлөгч Л.Халтарыг томилсон бөгөөд энэ нь цаанаа 60 тэрбумынханд дэд сайдыг харин Халиарууд жинхэнэ сайдыгаа авах нууц тохироо явсаныг үгүйсгэх аргагүй юм. Тэгвэл одоо жинхэнэ сайдаар Халиаруудын бригад хүнээ сойх нь зүйн хэрэг бөгөөд УИХ-ын гишүүн Я.Содбаатарыг сойж байгаа нь одоо олон нийтэд ил болоод байна. Харин 60 тэрбумынхан дэд сайдын суудалд цадалгүй мөн л Т.Бадамжунайн нутгийн дүү Б.Хурцын бизнессийн түнш УИХ-ын гишүүн Ё.Баатарбилэгийг зүтгүүлж эхэллээ. Улс төрд соёл, ханаж цадах хэм хэмжээ гэж зүйл бий. Жунай ах нь ханаж чадах тухай мартаад удаж байгаа бөгөөд энэ удаад дэд сайдыг нь сайдтай нь авахаар улайрч байна. Улангассан их галын дундуур Мишээлийн гэх Б.Энх-Амгалан гишүүн тууж яваа бөгөөд мань хүнд бол хүртээлгүй зодооны их шороон дунд төөрч будилан нэр хүндээ өсгөн нэр дэвшиж яваа юм. Мань хүн гэхдээ хоосонгүйээ. Ерөнхийлөгч Х.Баттулгатай хамт Владивосток явж ирээд МАН дахь Женкогийн фракцын идвэхтэй гишүүн болсон тухай Төрийн ордоны зузаан хана өгүүлж байна. Ийнхүү ирэх 7 хоногоос Зам тээврийн яам сайдтай болж МАН-ын зодоон намжих уу? Улам дэврэх үү? гэдгийг харж л суух үлдлээ.

Шуурхай.мн 


Энэ мэдээ таалагдаж байвал:


  • зочин · [203.91.115.248] · 2018/10/05

    нэр цэвэр Энх-Амгалан нь дээр л дээ.


  • Зочин · [49.0.219.149] · 2018/10/04

    Za ug n Enh-amgalan deer n bsan yum odoo yay gehev Sodbaatar n deer bizde tegvel


  • МАН · [103.229.121.14] · 2018/10/04

    ми овогтонтой // сонгуулийн шууд ярилцлага// нэртэй жүжгийн бэлтгэл хийж байсан, төлгөн коммунистууд л нэр дэвшсэн байх шив,,,,,,,


  • зочин · [203.91.118.247] · 2018/10/04

    Миеэ-г зайлуулсан цагт л шударга ёс яригдаж эхэлнэ дээ


  • Зочин · [66.181.160.115] · 2018/10/04

    60 тэрбум гэж байнга бичигчид төрийн 270 сая долларыг цайруулчих санаатай хэдэн хүний хоорондоо ярьсан , ажил хэрэг болоогүй , үлгэрээр тархи угаах ажиллагаагаа хичнээн үргэлжлүүлсэн ч 270 сая долларын асуудал нэг л өдөр үнэнээр шийдэгдэнэ


  • Зочин · [202.70.41.102] · 2018/10/04

    Ё.БААТАРБИЛЭГ ХАМГИЙН ОНОВЧТОЙ


  • Зочин · [202.72.245.200] · 2018/10/03

    60 тэрбумаа шийдээч ээ