Өнгөрөгч нэгдүгээр сард Дорноговь аймгийн Зүүнбаянгийн 336 дугаар ангид алба хааж байсан хугацаат цэргийн алба хаагч Б.Алтантулга харамсалтайгаар амиа алдсан хэрэг гарсан. Талийгаачийн шүүх шинэжилгээний дүгнэлт "өвчний улмаас амиа алдсан" хэмээн гарсан байдаг. Тиймээс талийгаачийн ар гэрийнхэн тус дүгнэлтийг эсэргүүцэж БХЯ-ны гадаа суулт зарлаж, хүүгийнхээ амийг нэхэж байна. Яам тэднийг хашаа руугаа ч нэвтрүүлээгүй байна. Тиймээс дараа дараагийн шатны байгууллагад хандана гэдгээ мэдэгджээ.