fbpx

Хөх нь өвчилсөн эмэгтэйд эмнэлгийн тусламж, биеийн байдал нь хэвийн болжээ


Хан-Уул дүүргийн нутаг дэвсгэр Буянт-Ухаа 2 хороололд коронавирусийн халдвар гарсантай холбогдуулан хөл хорио тогтоогоод байгаа юм. Гэтэл тус байрны оршин суугч З нь төрөөд 1 сар болж байгаа бөгөөд 10 хоногийн өмнөөс хөх нь өвдөж эхэлжээ. 

Эмнэлгийн тусламж авахаар 103-т холбогдоход байранд нь вирус илэрсэн гээд ХӨСҮТ-ийн 119 рүү залга гэсэн байна. Харин 119 тусгай дугаар нь 103-т ханд хэмээн аль нь ч тусламж үйлчилгээ үзүүлэхгүй удаж байгаа талаар сошиал орчинд мэдээлсэн байв. Энэ хугацаанд хөхнийх нь өвчлөл улам бүр нэмэгдэж, хавдаж улайсан байна. Нялх биетэй ээж өөрт нь маш их зовиуртай байгаа, эмнэлгийн багийнхан тусламж үзүүлэхээс татгалзаж байгаа талаар мэдээллийг оруулсан байлаа.

Харин энэ асуудлаар өнөөдөр ЭМЯ, ХӨСҮТ-ийн мэдээллээр өчигдөр эмнэлгийн тусламж үзүүлсэн. Ээжийн биеийн байдал хэвийн болсон. Хөх хавдах өвчин байсан хэмээн мэдээллээ.

Эх сурвалж: shuurhai.mn Г.ОЧИР

 


Энэ мэдээ таалагдаж байвал: