fbpx Монгол бахархлын өдөр тохиож байна
 
Энэ мэдээ хуучирсан буюу 2017/11/19-нд нийтлэгдсэн мэдээ болно.
Ангилал
Эдийн засаг
Хэзээ
2017/11/19
Унших
2 минут 0 секунд

Монгол бахархлын өдөр тохиож байна

Өнөөдөр билгийн тооллын XVII жарны “Алтан унжлагат” хэмээгч Гал тахиа жилийн Өвлийн тэргүүн цагаагчин гахай сарын 19-ний өдөр .Их эзэн Чингис хаан мэндэлсний 855 жилийн ой, “Монгол бахархлын өдөр” тохиож байна. Дэлхийн дайдыг эзэлж явсан Их хаанаараа бахархах, Монгол хүн гэдгээрээ бахархах үндэсний түүхэн өдрийг бид тэмдэглэдэг болоод хэдэн жилийн нүүр үзэж байгаа билээ. Тодотгох юм бол Монгол Улсын Ерөнхийлөгчийн 2012 оны нэгдүгээр сарын 9-ний өдрийн дөрвөн тоот зарлигаар эзэн богд Чингис хааны мэндэлсэн огноог холбогдох ажлын хэсгийн дүгнэлт болон ШУА-ны саналд үндэслэн албан ёсны болгож, билгийн тооллын өвлийн тэргүүн сарын шинийн нэгэн гэж тогтоон, уг өдрийг “Монгол бахархлын өдөр” болгон тэмдэглэн өнгөрүүлж байхаар болсон юм.

Энэхүү өдрийг тохиолдуулан жил бүр улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан нэг иргэнийг Монгол Улсын төрийн дээд шагнал-тэргүүн зэргийн одон “Чингис хаан” одонгоор шагнадаг уламжлалтай.  Энэ жилийн хувьд  тус одонг Олимпийн аваргын алт, мөнгө медальт жудо бөхийн тамирчин Найдангийн Түвшинбаярт хүртээх юм байна. .

Мөнхүү Их Эзэн Чингис хаан мэндэлсний 855 жилийн ойд зориулсан хүчит бөхийн барилдаан  14.00 цагт Монгол бөхийн өргөөнд болох аж.

С.Баяр

Зээлийн мэдээллийн сангийн муу түүхийг устгахад тавигдах ШААРДЛАГА
Оффшор данстай монголчуудын жагсаалт үргэлжлэв
Энэ мэдээ хуучирсан буюу 2017/11/19-нд нийтлэгдсэн мэдээ болно.

Шинэ мэдээ