Хөвсгөл далайн эрэгт машинаа угааж буй эмэгтэйн зураг олон нийтийн сүлжээгээр ил болж, олны зүгээс ихээхэн шүүмжлэл хүртээд байна. Уг машин нь 6777 УБХ улсын дугаартай “Лексус-570” маркийн автомашин байсан бөгөөд жолоочийн гэр бүлийн хүн уг үйл явдлыг дараах байдлаар тайлбарлаж хэвлэлд ярьжээ.
Тэрээр “Манай эхнэр машинаа унаад Хатгал явсан юм. Эхнэр маань Хөвсгөл аймгийн Хатгал сумынх болохоор далай ээжийг хэрхэн хайрлахаа хэн бүхнээс илүү мэддэг. Далайн усанд машинаа угаагүй гэж байна лээ. Сайн харвал машин голын эрэгт, эхнэр маань хажууд нь алхаж байгаа харагдсан” гэжээ.
