ОХУ-ын Ерөнхийлөгч Владимир Путин Францын удирдагч Эммануэль Макронтой утсаар ярьсныг Кремлийн хэвлэлийн алба мэдээллээ.
Путин Киевийн төлөөлөгчидтэй хийсэн хэлэлцээний хүрээнд үндсэн арга барил, нөхцөлүүдийг нарийвчлан тодорхойлсон. Юуны өмнө бид Украиныг цэрэггүйжүүлэх, төвийг сахих статусын тухай ярьж байгаа нь энэ улсын нутаг дэвсгэрээс ОХУ-д аюул заналхийлэл ирэхгүй гэдгийн баталгаа юм гэдгийг тодотгов.
Үүний зэрэгцээ ерөнхийлөгч Макроны Францын ард түмэнд хандан хэлсэн үгэндээ дурдсан зүйлтэй санал нийлэхгүй байгаагаа Путин хэлэв.
Ялангуяа энэ нь Орос Украины нацизмын эсрэг тэмцэж байгааг "худлаа" гэж нэрлэсэн Эммануэль Макроны мэдэгдэлтэй хамаатай юм. Үүнтэй холбогдуулан Киевийн төрийн бодлогод неонацистууд чухал үүрэг гүйцэтгэсэн талаар үндэслэл бүхий тайлбарыг Францын коллегидоо өгсөн" гэж хэвлэлийн алба мэдэгдэв.
ОХУ-ын удирдагч хүмүүнлэгийн асуудлыг шийдвэрлэхийн тулд гадаадын түншүүдтэй хамтран ажиллахад бэлэн байгаагаа дахин нотолж, Украины нутаг дэвсгэрээс гадаадын иргэдийг аюулгүй нүүлгэн шилжүүлэхэд хүчин чармайлтаа нэгтгэж хамтран ажиллахыг уриалав.
Ялангуяа Украины аюулгүй байдлын албаныханы барьцаанд байгаа Харьков хотын Энэтхэг оюутнуудын томоохон бүрэлдэхүүний талаар дурдав. Эммануэль Макрон энэ талаар Киевийн удирдлагатай ярилцаж зохих ажлыг хийхээ амласан" гэж Кремль дурджээ.
Оросын арми энгийн иргэдийн амийг аврахын тулд бүхнийг хийж байна гэж Путин онцлов.
"Нарийвчилсан тусгалтай зэвсгийг зөвхөн цэргийн дэд бүтцийг устгахад ашигладаг. Киев болон Украины бусад хотыг пуужингаар довтолж, бөмбөгдөж байна гэх мэдээлэл бодит байдалтай нийцэхгүй бөгөөд Оросын эсрэг хуурамч мэдээллийн кампанит ажлын нэг хэсэг юм" гэж ерөнхийлөгч хэлэв.
Мөн тэрээр барууны хэвлэлүүд Донбасс дахь энгийн номхон иргэдийг удаан хугацаагаар хоморголон устгаж, олон хүний амь эрсэдсэн үйлдлийг таслан зогсоож байгаад анхаарлаа хандуулахыг хүссэн байна.
Эх сурвалж: РИА новости
