-Путин: Оросын зэвсэгт хүчин бараг найман жилийн турш бэхжүүлсэн Волновахагийн хамгаалалтыг эвдсэн-
Украиныг цэрэггүйжүүлэх тусгай ажиллагаа хуваарийн дагуу үргэлжилж байгаа бөгөөд тавьсан бүх зорилт амжилттай шийдэгдэж байна гэж Владимир Путин Аюулгүйн зөвлөлийн гишүүдтэй уулзахдаа мэдэгдэв.
"Донбасс дахь ард түмнээ хамгаалах, эх орныхоо аюулгүй байдлыг хангах үүрэг даалгаврыг биелүүлж, Оросын цэрэг, офицерууд үйл ажиллагааныхаа зөвийг бүрэн ухамсарлаж жинхэнэ баатрын ёсоор зоригтой тэмцэж байна. Шархадсан цэрэг, офицерууд эгнээндээ үлдэж, энгийн иргэдийг аврахын тулд өөрсдийгөө, амь насаа золиослож байна" гэж төрийн тэргүүн хэлэв.
Түүний хэлснээр Оросын цэргийнхэн ч, Донбассын цэргүүд ч олноор баатарлаг үйлс үзүүлж байгаа ажээ.
"Донецкийн чиглэлд үйл ажиллагаа явуулж буй 100-р мотобуудлагын бригадын бие бүрэлдэхүүнийг онцолж хэлмээр байна. Волноваха мужид хурандаа Алексей Борисович Бернхардын тушаалаар цэргүүд бараг найман жилийн турш үндсэрхэг үзэлтнүүдийн бэхжүүлж, тоноглож байсан гүнзгийрүүлсэн хамгаалалтыг нэвтэрсэн" гэж Путин хэлэв.
Үүний зэрэгцээ Украин дахь үндсэрхэг үзэлтнүүд болон гадаадын хөлсний цэргүүд энгийн иргэдийг амьд бамбай болгон ард нь нуугдаж байна гэж ерөнхийлөгч мэдэгдэв. ОХУ-ын удирдагчийн тайлбарласнаар "хотуудын суурьшлын байшин барилгад цэргийн хүнд техникийг хэрхэн байрлуулж байгааг харуулсан туйлын бодитой гэрэл зургийн нотолгоо" бий гэв.
Тодруулбал, Северодонецк, Лисичанск болон бусад хотуудад орон сууцны оршин суугчдыг орон сууцны дунд талын давхаруудад байрлуулж, доод давхарын цонх, ханыг булгаж тэнд хүнд техник, буу, танк байшруулж байгаа бол дээвэр, дээд давхарт пулемёт, мэргэн буудагчдыг байрлуулж байна " гэж Путин хэлэв.
"Зөвхөн фашистууд л ингэж тулалдаж байсан. Тэд энгийн ард түмэнд ийм хүнлэг бус хандсан. Оросын цэргүүд Украинд энгийн номхон иргэд хохирохоос урьдчилан сэргийлэхийг хичээж байна гэж төрийн тэргүүн онцоллоо.
"Манай цэргийн алба хаагчид мөргөлдөөний бүх бүсэд коридор гаргаж, энгийн иргэд, гадаадын иргэдийг аюулгүй газар руу явах боломжоор хангасан. Би дахин онцолж хэлэхэд үндсэрхэг үзэлтнүүд үүнийг хийхийг зөвшөөрөхгүй байна" гэж Путин хэлэв.
Олон зуун гадаадын иргэд Украин дахь дайны бүсийг орхихыг эрмэлзэж байгаа ч үндсэрхэг үзэлтнүүд тэднийг барьцаалж байна гэж тэр хэлэв.
Эх сурвалж: РИА новости
