Францын Ерөнхийлөгч Эммануэль Макроны ОХУ-ын удирдагч Владимир Путинд тавьсан хүсэлтийн дагуу Оросын Зэвсэгт хүчин 10:00 цагаас эхлэн гал зогсоох дэглэм тогтоож, хүмүүнлэгийн коридоруудыг нээж байна гэж Украин дахь Хүмүүнлэгийн тусламжийн зохицуулах штабаас мэдэгдсэн байна.
"Үүний зэрэгцээ хүмүүнлэгийн коридоруудыг нээх үеэр ОХУ-ын Зэвсэгт хүчин нүүлгэн шилжүүлэлтийн явц, тэр дундаа нисгэгчгүй нисэх техник ашиглан байнгын бодитой хяналт тавих болно гэжээ. Тиймээс Украины тал ОХУ-ын буруугаас шалтгаалж хүмүүнлэгийн ажиллагаа тасалдлаа хэмээн Орос болон соёл иргэншсэн ертөнцийг дахин хуурах нь ашиггүй бөгөөд утгагүй юм" гэж мэдэгдэлд дурджээ.
Штабаас хүмүүнлэгийн коридоруудаар хаашаа явахыг тодотгож өгсөн. Тухайлбал,
КИЕВЭЭС: Киев, Гостомель, Раковка, Сосновка, Иванков, Ораное, Чернобыль, Гден (РБ), Гомель. Дараа нь тэндээсээ агаарын тээврээр Орос руу илгээнэ.
МАРИУПОЛООС:
1-р чиглэл - Мариуполь, Новоазовск, Таганрог, Ростов-на-Дону, дараа нь агаарын, авто зам, төмөр замаар сонгосон чиглэлүүд эсвэл түр хугацаагаар байрлах;
2-р чиглэл - Мариуполь, Портовское, Мангуш, Никольское, Республика, Розовка, Билмак, Пологи, Орехов, Запорожье хотуудыг тойрч гарах.
ХАРЬКОВООС:
Харьков, Нехотеевка, Белгород, дараа нь агаарын, төмөр зам, авто тээврээр.
СУМЫГААС:
1-р чиглэл - Сумы, Суджа, Белгород, тэндээс ямар ч тээврийн хэрэгслээр; №2 маршрут - Сумы, Голубовка, Ромный, Лохвица, Лубный, Полтава.
Тус төвөөс мэдээлснээр бүх мэдээллийг НҮБ, ЕАБХАБ, ОУУЗХ болон бусад олон улсын байгууллагын холбогдох байгууллагуудад хүргүүлсэн байна.
Эх сурвалж: РИА новости