Украины Ерөнхийлөгч Владимир Зеленский Крым болон Донецк, Луганскийн Бүгд найрамдах улсыг хүлээн зөвшөөрөх асуудлаар Оростой яриа хэлэлцээ хийхийг зөвшөөрсөн тухай РИА Новости мэдээлэв.
Зеленский эдгээр асуудлаар буулт хийхийг эрэлхийлэхэд бэлэн байгаагаа тэмдэглэжээ. Түүний бодлоор, гол нь " хүмүүс тэнд цаашид хэрхэн амьдрах вэ" гэдгийг ойлгож тодорхойлох хэрэгтэй аж.
Украины Гадаад хэргийн сайд Дмитрий Кулеба өмнө нь Орос, Украины ерөнхийлөгчид шууд нүүр тулан уулзаж хэлэлцээ хийхийг Киев хүссэн гэж мэдэгдсэн юм. Тэрээр энэ тухай Оросын коллеги Сергей Лавровтой уулзахдаа хэлнэ гэж амласан юм. Сануулахад энэ сарын 19-нд буюу маргааш тус хоёр орны Гадаад хэргийн сайд нар Туркийн удирдагчийн санаачилгаар Антальягийн дипломат форумын үеэр уулзана гэсэн мэдээлэл байгаа юм.
Владимир Путинд хэлэлцээрийн ширээний ард суух саналыг Зеленский өөрөө тавьсан. Украины удирдагч цаашид Оростой дайтахгүйн тулд Донбасс зэрэг бүх асуудлын талаар ярихад бэлэн байгаагаа нэмж хэлжээ
Эх сурвалж: Лента.ру
