ОХУ-ын Украин дахь тусгай ажиллагаа дуусах хугацааг зарлаагүй гэж Песков мэдэгдэв.
Украин дахь Оросын тусгай ажиллагаа дуусгавар болох эцсийн хугацааг зарлаагүй байна гэж Кремлийн хэвлэлийн төлөөлөгч Дмитрий Песков холбогдох асуудлаар тайлбар хийхдээ мэдэгдэв.
Украин дахь тусгай ажиллагаа төлөвлөгөөний дагуу явагдаж байна. Төлөвлөгөө бүрэн хэмжээгээр хэрэгжсэн үед тусгай ажиллагаа дуусна гэж Песков хэлэв.
Мөн тэрээр"Орос улс Украинд цэргийн тусгай ажиллагаа явуулах бие даасан нөөцтэй" гэж батлав.
ОХУ-ын Ерөнхийлөгч В.Путин цэргийн ажиллагаа эхлэх үед Украины хотууд, тэр дундаа Киевийг яаравчлан дайрахгүй байхыг Зэвсэгт хүчинд даалгасныг Кремлийн хэвлэлийн төлөөлөгч тэмдэглэв. Гэсэн хэдий ч "Украины үндсэрхэг үзэлтнүүд"-ийг орон сууцны хорооллуудыг галын цэгийн зориулалтаар тоноглосон гэж буруутгав.
Гуравдугаар сарын 5-нд Путин Украинд тусгай ажиллагаа явуулах шийдвэр гаргасан нь хэцүү шийдвэр байсан гэдгийг тэр нэмж тодотгожээ.
Эх сурвалж: Лента.ру. ВВС
