Японы соёлын өв дурсгалуудыг хамгаалах үүрэгтэй ажилтан санамсаргүй тус улсын хамгийн эртний жорлонг автомашинаараа мөргөж сүйтгэсэн байна.
15 дугаар зуунд байгуулагдаж байсан Киото хотын Буддын шашны Тофүкүжи сүмийн нийтийн жорлон Япон улсын соёлын үнэт дурсгалуудын нэгд тооцогддог юм.
Ажилтан автомашин нь ухрах араатай байгааг анзааралгүй хөдөлснөөс жорлонгийн модон хаалгыг мөргөж гэмтээсэн тухай орон нутгийн цагдаагийн газар мэдээлжээ.
Ослын улмаас бэртсэн хүн байхгүй, жорлонгийн дотоод хэсэг бүрэн бүтэн үлдсэн тухай бас мэдээлсэн байна.
Тофүкүжигийн Судалгааны Хүрээлэнгийн захирал Тошио Ишикава болсон явдалд цочирдож байгаагаа илэрхийлжээ.
Хэдийгээр хохирлыг засварлах боломжтой ч анхны төрх байдалд нь оруулахад “маш иж ажил” орохыг өөр нэг албаны хүн хэлсэн байна.
Нийтийн жорлонг Мүромачигийн эриний (1336-1573) эхний хагаст Тофүкүжи сүмийн хашаанд байгуулж байжээ.
Нийт 100 хүнд зэрэг үйлчлэх багтаамжтай тус жорлон сүмд шавилан суусан лам нарт зориулагдаж байсан юм байна.
Эх сурвалж: BBC