УИХ-ын гишүүн Ц.Анандбазар бусдад бэлгийн дарамт үзүүлсэн гэх хэрэг нь шийдэгдсэн тухай сэтгүүлчдэд тайлбар өглөө.
Тодруулбал тэрээр: " Ер нь бол энэ хэрэг биш олон тэрбумын захиалгатай гүтгэлэг байсан. Үнэнээрээ явбал үхэр тэргээр туулай гүйцнэ гэдгийн үлгэр боллоо. Хүн гүтгэнэ гэдэг бол хамгийн муу нүгэл байдаг. Уг хэргийг хэрэгсэхгүй болгосон гэдэг мэдээлэл надад уржигдар ирсэн.
Хуурамч шатахууныг байхгүй болгож, Монголын ард түмний машиныг аварсаны үр дүн л надад ирсэн шүү дээ.
2021 оны 8-р сараас хойш Монголд хуурамч шатахуун орж ирэхээ больсон. Үүнд би баярладаг. Шударга юм ярихаар л гүтгэдэг үзэгдэл Монголд бий болж. Мөн хууль хяналтын байгууллага улс төрждөг болж. Дэндүү тодорхой зүйл дэндүү удаан шийдэгдлээ. Хохирогч гээд байгаа хүн бусдыг гүтгэсэн гэдгээр ял авсан. Өнөөдөр хүмүүсийн амьдрал хэцүү байна. Аав, ээжийнх нь бие муу байхад мөнгө төгрөг амлаад ашигласан юм билээ. " гэв.
С.Сарнай
Sonin.mn
