Украины армийн довтолгоог удаашруулах зорилгоор Оросын тал өвөрмөц саад үйлдвэрлэж, гол хориглон тулалдах фронтын хэсгүүд дээрээ байрлуулж эхэлсэн тухай Их Британийн батлан хамгаалах яам мэдээлжээ.
Тус улсын тагнуулын албанаас өгсөн мэдээлэлд эзлэгдсэн Мариуполь хот дахь хоёр үйлдвэрт Оросууд “лууны шүд” хэмээх пирамид хэлбэртэй төмөр бетон саадыг их хэмжээгээр үйлдвэрлүүлж байгаа тухай дурдсан байна.
Latest Defence Intelligence update on the situation in Ukraine - 08 November 2022
— Ministry of Defence 🇬🇧 (@DefenceHQ) November 8, 2022
Find out more about the UK government's response: https://t.co/fECg067PQk
🇺🇦 #StandWithUkraine 🇺🇦 pic.twitter.com/QiRcrykcmd
Энэ нь дайсны танк, хуягт тэрэг зэрэг машин техникүүдийн довтолгоонд саад учруулах зориулалттай юм.
Оросын арми давших биш, хориглон хамгаалах тулааны тактикт илүү төвлөрөх болсны илрэл гэж үүнийг Их Британийн батлан хамгаалах яам дүгнэжээ.
“Лууны шүдийг Мариуполь хот болон Никольское тосгоны хооронд, Мариуполь болон Старый Крым тосгоны хооронд байрлуулж байж болзошгүй байна. Мариуполь бол Крымийг Оростой холбох хуурай газрын чухал зам юм. Үүнээс гадна лууны шүдийг Запорожье, Херсон дахь хориглолтууд руу илгээсэн байна” гэж тагнуулын мэдээлэлд өгүүлсэн байна.
Дээрх мэдээлэл нь The Institute for the Study of War стратеги судалгааны хүрээлэнгээс саяхан гаргасан мэдээлэлтэй таарч байгаа юм.
Тус мэдээлэлд “Аравдугаар сарын 29-нөөс арваннэгдүгээр сарын 3-ны хооронд хиймэл дагуулаас авсан гэрэл зургуудаас харвал Оросын арми Днепр мөрний зүүн эрэг дагуу Херсон хотоос зүүн зүгт 70 км зайтай оршдог Каховкад, баруун өмнө зүгт 8 км зайтай оршдог Голая Пристаньд, баруун өмнө зүгт 60 км зайтай Ивановкад хориглолтын шугамууд байгуулж байна” гэжээ.
Эх сурвалж: The Guardian
%20(1).jpeg&w=480&h=320 "Тусдаа хоёр хэргийг нэгтгэж, шүүхийн шийдвэр гарсан нь бидний гайхлыг төрүүлж байгаа")
