fbpx BTS хамтлагийн эхний гишүүн арван хоёрдугаар сарын 13-наас цэргийн албаа хааж эхэлнэ
 
Ангилал
Entertainment Дэлхий дахинд Шуугианы эзэд
Огноо
Унших
1 минут 45 секунд

BTS хамтлагийн эхний гишүүн арван хоёрдугаар сарын 13-наас цэргийн албаа хааж эхэлнэ

K-pop урлагийг дэлхийн дэвжээнд гаргасан гэгддэг BTS хамтлагийн хамгийн ахмад гишүүн Жин ирэх сарын 13-наас Өмнөд Солонгосын армид хугацаат цэргийн албаа хааж эхлэх болсныг өчигдөр хэвлэлүүд мэдээлжээ.

Эрүүл мэндийн шаардлага хангасан тус улсын бүх эрчүүд 30 нас хүрэхээсээ өмнө хоёр жил орчим хугацаанд цэргийн алба заавал хаах үүрэгтэй байдаг.

Жин арван хоёрдугаар сарын 4-ний өдөр 30 нас хүрэх юм.

Тэрбээр эхлээд Гёнги мужийн Ёнчонд таван долоо хоногийн бэлтгэл хийгээд дараа нь цэргийн ангидаа хуваарилагдах юм байна.

Жинийг Умард Солонгостой залгаа хил дээр алба хаана гэсэн яриа тарсан нь түүний фэнүүдийн санааг зовоох болсон юм.

Улсынхаа эдийн засагт олон тэрбумын хувь нэмэр оруулдаг гэгддэг BTS хамтлагийн долоон гишүүнийг цэргийн албанаас чөлөөлөх асуудал сүүлийн хэдэн жилийн турш Өмнөд Солонгосын нийгэмд маргаантай сэдэв байлаа.

Тус улс одоо олимпын медальтай тамирчид болон олон улсын сонгодог урлагийн тэмцээнд амжилт гаргасан уран бүтээлчдийг л цэргийн албанаас чөлөөлдөг хуультай.

Харин K-pop салбарын алдартнуудыг чөлөөлдөггүй юм.

Өмнөд Солонгосын батлан хамгаалахын сайд BTS хамтлагийн гишүүд цэргийн алба хаах хугацаандаа уран бүтээлийн ажлаа үргэлжлүүлэх боломжтой тухай энэ оны наймдугаар сард ярьж байв. Гэхдээ яаж ийм боломжоор хангах нь тодорхойгүй байна.

Эх сурвалж: AFP

Португалийн од таван ДАШТ-д гоол оруулсан анхны хөл бөмбөгчин боллоо
Португалийн од таван ДАШТ-д гоол оруулсан анхны хөл бөмбөгчин боллоо
 
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!

Шинэ мэдээ