Өнгөрсөн сард дампуурлаа зарлаж, олон тооны харилцагчаа хохироосон FTX крипто биржийн үүсгэн байгуулагч Сэм Бэнкмэн-Фридийг баривчилснаа Бахамын Хамтын Нөхөрлөлийн Улсын эрх баригчид саяхан мэдээлжээ.
АНУ-ын засаг захиргаанаас ирүүлсэн прокурорын яллах дүгнэлт дээр үндэслэн түүнийг орон нутгийн цагаар Даваа гарагийн орой баривчилсан юм байна.
FTX нь өдөр бүр $10 тэрбумтай тэнцэх хэмжээний арилжаа хийгддэг, дэлхийн хоёр дахь том крипто бирж байсан юм.
“Өнөөдөр орой Бахамын эрх баригчид АНУ-ын засаг захиргааны хүсэлтээр Сэмуэл Бэнкмэн-Фридийг баривчиллаа” гэж Нью-Йорк хотын Манхэттэн дүүргийн прокурорын газар сошиал хуудсандаа мэдээлжээ.
On 12 December 2022, the Office of the Attorney General of The Bahamas is announcing the arrest by The Royal Bahamas Police Force of Sam Bankman-Fried (“SBF”), former CEO of FTX. pic.twitter.com/CRNeLPAbVp
— Latrae L. Rahming (DOC)🇧🇸 (@latraelrahming) December 12, 2022
FTX дампуурлаа зарласнаас хойш Сэм Бэнкмэн-Фрид хэвлэлд өгсөн олон тооны ярилцлагууддаа менежмэнтийн алдаа гаргаснаа хүлээн зөвшөөрсөн ч хууль бус зүйл хийгээгүй хэмээн өөрийгөө өмгөөлж байсан юм.
Арваннэгдүгээр сарын 11-ний өдөр FTX дампуурлаа зарлаж байв. Үүнээс өмнө харилцагчид нь гурван өдрийн дотор нийт $6 тэрбумын хөрөнгөө тус биржээс татаж, өрсөлдөгч бирж Binance дампуурлаас аврах тусламж үзүүлэхээс татгалзаж байжээ.
Эх сурвалж: BBC
